Congress Sansadeeya Dal Ki Adhyaksh Chuni Gain Soniya Gandhi

Breaking »

Congress Sansadeeya Dal Ki Adhyaksh Chuni Gain Soniya Gandhi

Nai Delhi: Loksabha chunaav mein mili karaari haar ke baad aaj shaam hui Congress sansadeeya dal ki pehli baithak mein Congress adhyaksh soniya Gandhi ko dobaara sansadeeya dal ka adhyaksh chun liya gaya. Congress sootron ne bataaya ki mallikaarjun khadge ne soniya ke naam ka prastaav rakha, jiska mohasina kidvai sahit sabhi doosare netaaon ne samarthan kiya. Congress sansadeeya dal (seepeepi) ke prastaav mein Congress ne soniya Gandhi aur Rahul Gandhi ke nettruv mein party ko dobaara sangathit aur punarjeevit karne ka sankalp jataaya. seepeepi ne Manmohan Singh dvaara pichhle ek dashak ke dauraan pradaan kiye gaye vivekapoorn aur garimaamaya netrutv ki saraahana ki. Iske seepeepi ne ummeed jataai ki sabhi pragatisheel aur dharmanirpeksh taakatein sansad mein ek sanyukt vipaksh pesh karne ke liye prabhaavi samanvaya sthaapit kareinge. vaheen soniya ne baithak mein kaha ki Congress is baar chunaav haar gayi hai, lekin yeh pehli baar naheen hai. Isse pehle bhi haarne ke baad ham jeet kar aae hain. Unhonne party ko fir se chust durust banaane ke liye saansadon se saarvajanik bayaanbaaji ke bajaay party ki taakat aur kamiyon ke baare mein apni rai dene ko kaha. Loksabha chunaav mein mili haar ke baare mein soniya ne kaha ki is abhootapoorv dhakke se hamein vyaktigat aur saamoohik roop se uchit sabak lene honge. Unhonne ne kaha ki Congress uske khilaaf bade paimaane par vyaapt gusse ko samajhne mein naakaam rahi. Use yeh samajhna hoga ki aisa kyon hua aur aavashyak sudhaaraatmak kadam uthaane honge. iske saath hi soniya ne kaha ki vipaksh hone ka matlab aur adhik prashn karna, aur adhik mudde uthaana aur adhik charchaaen shuroo karna tatha hamesha jaagruk prahari bane rahana hai. gaurtalab hai ki haal hi mein hue Loksabha chunaav mein Congress sirf 44 seatein hi jeet pai.

Congress Sansadeeya Dal Ki Adhyaksh Chuni Gain Soniya Gandhi https://www.angrejinews.com/pic/51628