Congress Ne PM Ke Isteefe Ki Maang Ko Thukaraaya

Breaking »

Congress Ne PM Ke Isteefe Ki Maang Ko Thukaraaya

Nai Delhi. . Congress ne shukravaar ko UPA sarkaar ke tatkaal isteefe ki Trinamool Congress ki maang ko thukara diya aur kaha ki sarkaar apna kaaryakaal poora karegi. Khabar padhein: Trinamool Congress ne PM ka isteefa maanga Congress mein pashchim Bengal maamalon ke prabhaari shakeel Ahmad ne kaha, 'Trinamool Congress jo kah rahi hai usamein kuchh naya naheen hai. Chhah maheene pehle jab usane UPA se samarthan vaapas liya to vah chaahati thi ki sarkaar jaae. Lekin unke samarthan vaapas lene ke baavajood sarkaar naheen giri. Sarkaar apna kaaryakaal poora karegi. ' isse pehle Trinamool Congress ke raashtreeya mahaasachiv mukul Roy ne kolakata mein kaha ki DMK ke samarthan vaapas le lene ke baad Manmohan Singh ki sarkaar alpamat mein aa gayi hai. Ve sansad mein nanbaron ke khel ka istemaal kar satta mein bane rah sakte hain. Lekin pichhle saal Trinamool Congress ke samarthan vaapas lene aur ab DMK ke samarthan vaapas lene par yah alpamat sarkaar ban gayi hai. Unhonne kaha, 'Is sarkaar ko satta mein ek pal bhi bane rahane ka koi naitik adhikaar naheen hai. Ham chaahate hain ki yah sarkaar turant isteefa day. ' UPA mein Congress ke baad Trinamool Congress sabse badi party thi. Loksabha mein uske 19 saansad hain. Party ne pichhle saal September mein UPA sarkaar se apna samarthan vaapas le liya tha.

Congress Ne PM Ke Isteefe Ki Maang Ko Thukaraaya https://www.angrejinews.com/pic/3801