Congress Ne Lagaaya Sanvaadaheenata Ka Aarop

India »

Congress Ne Lagaaya Sanvaadaheenata Ka Aarop

vishesh samvaadadaata. Nai Delhi Congress ne janakalyaan ke bilon ko sansad mein paas karaane mein sahayog naheen denee ke liye mande ko pramukh vipakshi dal BJP par jamkar nishaana saadha. Congress ne BJP par chutaki lete hue kaha ki vah desh ke buddhijeeviyon se appeal karegi ki ve BJP ko samajhaaen ke vah bhookhon aur kisaanon ko unke adhikaar dene mein baadha na banein. Haal hi mein Congress ke pravakta niyukt hue raaj babbar ne yahaan vipaksh par nishaana saadhate hue kaha ki ve desh ke buddhijeeviyon se guhaar lagaaenge ki ve BJP ko sadbudghi dilaane mein madad karein. Babbar ne vipaksh par sanvaadaheenata ka aarop lagaate hue kaha ki vipaksh viklpaheenata ke daur se gujar raha hai. Vipaksh ko vikalp ban kar saamane aana chaahiye tha. Vah hamein bataata ki ham kahaan kam hain, kahaan ham sahi naheen hain, lekin usane yah mauka hi naheen diya. Babbar ne media se apni pehli aupachaarik mulaakaat mein apne filmi hunar ka jalwa dikhaate hue jordaar dialogue bole. Briefing mein thoda jajbaati hote hue raaj babbar ne kaha ki vah pehle din apne dil ki baat kaheinge. Is dauraan unhonne filmi shaili mein na sirf UPA ki upalabdhiyon ko ginaaya, balki beech-beech mein vah vipaksh par bhi nishaana saadhate rahe. Raaj babbar ne UPA sarkaar ki nau saal ki upalabdhiyon ko ginaate hue kaha ki is sarkaar ne janta ke haath mein das rupaye ki bandook (soochana ka adhikaar) di hai. Das rupaye ki is bandook se aap jiske baare mein chaahein, jaankaari nikaal lein. Unka kehna tha ki ham paaradarshita mein vishvaas karte hain. Humne kabhi bhrashtaachaar ko chhipaane ki koshish naheen ki. Unhonne kaha ki desh mein pehli baar to bhrashtaachaar hona shuroo naheen huaa hai. Nau saal se pehle bhi corruption ke maamale saamane aae, lekin hamaari sarkaar ne hi logon ke haathon mein yah achook hathiyaar diya.

Congress Ne Lagaaya Sanvaadaheenata Ka Aarop https://www.angrejinews.com/pic/9218