Congress Mein Satta Ke Kendra Par Digvijya Aur Dwivedi Aamne-saamane

Breaking »

Congress Mein Satta Ke Kendra Par Digvijya Aur Dwivedi Aamne-saamane

Nai Delhi. . Congress ke satta mein aane par Rahul Gandhi ko PM banana chaahiye ya naheen, isko lekar party mein gahre matabhed ubharakar saamane aa rahe hain. Congress mahaasachiv janaardan Dwivedi aur party mahaasachiv digvijya Singh is mudde par aamne-saamane dikh rahe hain. Digvijya Singh ne Budhvaar ko kaha ki vah apne us bayaan par kaayam hain, jismein unhonne kaha tha ki satta ke do kendra ka model kaaragar naheen hota hai. Digvijya ne kaha ki vah Congress ke sipaahi hain, lekin unki apni niji rai hai ki satta ke do kendra naheen hone chaahiye. Digvijya ne kaha ki mujhe jo kehna tha mainne kah diya hai. Digvijya Singh se pichhle dinon ikanaumik times ko diye interview mein kaha tha ki yah dhaarana galat hai ki Rahul Gandhi sarkaar ke mukhiya (pradhaanamantri) naheen banana chaahate hain. Unhonne yah bhi kaha ki party mein yah bhaavana majaboot ho rahi hai ki Gandhi-Nehru parivaar ke manoneet pradhaanamantri se satta ke do kendra ban jaate hain aur yah prayog vifal raha hai. Congress mahaasachiv ke mutaabik, party netaaon ka maanana hai ki jo party ko niyantrit kare, vahi sarkaar ka bhi mukhiya ho. UPA sarkaar mein satta ke do kendra hone se kaamkaaj par asar padne ki dhaarana ko mangalvaar ko Congress ne sire se khaarij kar diya tha. Party mahaasachiv janaardan Dwivedi ne soniya-Manmohan ke sambandhon ko adbhut bataate hue unhein bhavishya ke liye bhi aadarsh karaar diya. Dwivedi ne Congress mahaasachiv digvijya Singh ke satta ke do keindron vaale vivaadit bayaan ko khaarij kar bhavishya ke bhi sabhi vikalp khule rakhe hain.

Congress Mein Satta Ke Kendra Par Digvijya Aur Dwivedi Aamne-saamane https://www.angrejinews.com/pic/4305