Congress Mahaasachiv Priyanka Ka Pehla Daura Aaj, Lekin Badi Kathin Hogi Dagar

Breaking »

Congress Mahaasachiv Priyanka Ka Pehla Daura Aaj, Lekin Badi Kathin Hogi Dagar

Lucknow Congress mahaasachiv aur poorvi UP ki prabhaari Priyanka Gandhi vaadra ki raajaneetik entry ka manch saj gaya hai. Congress kaaryakarta utsaah mein hain. Airport se pradesh Congress kaaryaalaya tak jagah-jagah svaagat ke liye netaaon ko jimmedaari de di gayi hai. Bakaul pradesh Congress adhyaksh raaj babbar yeh Congress ke raajaneetik itihaas ka svarnim din hoga. Haalaanki, Priyanka Gandhi vaadra ki raah mein chunautiyaan kam naheen hain. Pradesh mein apne bure daur se gujar rahi Congress ke chamatkaarik pradarshan ki dagar itni aasaan naheen hai. Priyanka Gandhi vaadra ke liye sabse badi chunauti yahaan ke sangathan ko fir se khada karne ki hogi. Ab jabki chunaav kareeb hain to itne kam samay mein yeh bilkul bhi aasaan naheen hone ja raha hai. Congress ke sootr bataate hain ki kai jilon mein to keval kaagajon par hi sangathan chal raha hai. Keval adhyaksh ke naam tay hain, lekin iske baad sangathan ka ata-pata hi naheen hai. Iske baad Priyanka ke liye pati Robert vaadra par lagne vaale aaropon ka saamana bhi mushkil hoga. Party apne us daur se joojh rahi hai, jahaan har Loksabha seat par uske paas majaboot ummeedavaar bhi naheen hain. Aise mein Priyanka ko is samasya se bhi nijaat paani hogi. Kam se kam unhein aise ummeedavaar ka chunaav karna hoga jo party ko kam se kam ladta hua dikha sake. Namaskaar! Main Priyanka bol rahi hoon. . . Ravivaar der shaam ko Priyanka Gandhi aur jyotiraaditya sindhiya ka ek audio vaayaral hone laga. Pradesh Congress kaaryaalaya par ise sunaaya jaane laga. Ismein Priyanka Gandhi ne kaha hai, 'Namaskaar, main Priyanka Gandhi vaadra bol rahi hoon. Kal aap sabhi se milne main Lucknow aa rahi hoon. Mere dil mein aasha hai ki ham sab milkar ek nai raajaneeti ki shuruaat kareinge, aisi raajaneeti jismein aapasab bhaageedaar honge. Mere yuva dost, meri bahanein aur sabse kamjor vyakti sabki aavaaj sunaai degi. Aaie mere saath milkar ek nae bhavishya, ek nai raajaneeti ka nirmaan karein. ' 100 se jyaada svaagat sthal Airport se pradesh Congress kaaryaalaya tak pahunchane ke beech 100 se jyaada svaagat sthal chihnit kiye gaye hain. Kanpur, unnaav, seetaapur, Lakhimpur, faijaabaad, sulataanapur, amethi, raayabareli, baaraabanki, faijaabaad aadi jilon se kaaryakarta svaagat ke liye pahuncheinge. Iske alaava uttaraakhand se ek vishesh dal teenon netaaon ke svaagat ke liye pahunch gaya hai. Congress ke Lucknow prabhaari vinod mishr ne bataaya ki avadh chauraahe ke aage Lucknow ke kaaryakarta svaagat kareinge. Rath aaya Punjab se, saja Congress kaaryaalaya Congress kaaryaalaya ko poori tarah saja diya gaya hai. Congress jhande ki pattiyaan poore kaaryaalaya par laga di gayi hain. Jis rath mein teenon neta savaar hokar aaenge, vah bhi ravivaar der shaam Punjab se pahuncha. Poore shahar mein poster, banner aur hordingein svaagat ke liye laga di gayi hain. Ground jeero par hakeekat jaaneingi Priyanka Priyanka aur jyotiraaditya 14 tak apne-apne prabhaar vaale Loksabha kshetr ke sangathan aur varishth netaaon se ek-ek karke mulaakaat kareinge. Iske baad donon neta 18 se 21 tak 'Ground jeero' se baithak ke daavon ki hakeekat parakheinge. Sampark karne pahunche neta Somvaar ko hone vaale road sho mein pahunchane ke liye netaaon ne jagah-jagah janasanpark kiya. Poore shahar mein alag-alag toliyaan banaakar log janta se milne pahunche aur unhein road sho mein shaamil hone ki appeal ki. Puraane Lucknow mein krupaashankar, siraaj meinhadi, maaroof Khan samet anya netaaon ne logon se laalabaag ki rally mein pahunchane ki appeal ki.

Congress Mahaasachiv Priyanka Ka Pehla Daura Aaj, Lekin Badi Kathin Hogi Dagar https://www.angrejinews.com/pic/253947