Congress Ke Saath Kitne Haath

India »

Congress Ke Saath Kitne Haath

manjari chaturvedi . Nai Delhi pichhle kuchh samay mein UPA sarkaar mein hui uthaapatak ke baad bhale hi Congress sarkaar ko sthir aur majaboot bata rahi ho, lekin jaise-jaise samay beet raha hai, raajanaitik sameekaran teji se badal rahe hain. UPA-2 mein shuroo se hi ghatak dal Congress ko apne tevar dikhaate rahe hain. Loksabha chunaavon ke maddenajar Congress aur UPA gathabandhan filhaal kis disha mein aage badhta dikh raha hai, pesh hai ek jaayaja: Tagada jhatka: UPA ke kai saathi use chhodkar gaye, lekin use bada jhatka TMC ke baad DMK se laga hai. DMK ke jaane se Congress ke liye Tamil Nadu ek badi chunauti ban gaya hai, kyonki vahaan Congress ka apna khaas aadhaar naheen hai. Pichhle vidhaanasabha chunaavon mein vahaan Congress ko 5 seatein aur kareeb nau feesadi vote mile the. Loksabha chunaav mein use aath seatein mili theen. Vahaan ki raajaneeti mein satta ki asli ladaai DMK aur eaaiedeeemake ke beech hi hai. Congress ke liye vahaan sambhaavana poori tarah se khatm isliye naheen maani ja sakti, kyonki kshetreeya raajaneeti ke chalte donon paartiyaan ek saath ek gathabandhan mein naheen aa sakateen. Ummeed ki kiran: Pichhle aam chunaavon mein Andhra pradesh mein apna dam dikhaane waali Congress jaganamohan Reddy ke jail jaane aur telangaana mudde ko lekar filhaal bhale hi vahaan kaafi kamjor najar aa rahi ho, lekin Andhra mein uske liye sambhaavnaaen bani hui hain. Congress se alag hokar alag party vaaiesaaar Congress banaane vaale jaganamohan Reddy ki maan ne Congress ko samarthan dene ka sanket diya hai. Vaaiesaaar Congress ki raajya mein kaafi majaboot sthiti hai. Filhaal unke do MP hain. Vaaiesaaar Congress aur jagan ka badhta janaadhaar dekhte hue jagan ki jeet ki sambhaavnaaen kaafi badhi hui hain. Aise mein raajya mein kamjor hone ke baavajood Congress ke liye aasha ki kiran vaaiesaaar Congress ke roop mein maujood hai. Ho sakta hai khel: Bihar ke mukhyamantri neeteesh Kumar aur BJP ke beech badhti dooriyon mein Congress apna faayda dekh rahi hai. Neeteesh ne NDA se alag hatkar apna stand bhi liya hai. Raashtrapati chunaav ke dauraan neeteesh ne UPA ke ummeedavaar ka samarthan kiya tha. Pichhle dinon Bihar ko vishesh raajya ka darja dilaane Delhi aae neeteesh ne pradhaanamantri se mulaakaat ki aur uske baad Congress ki taraf se unki maang par vichaar kiye jaane ka aashvaasan diya gaya. Bihar mein Congress ka janaadhaar naamamaatr ka hai. Pichhli Loksabha mein use do seat va vidhaanasabha mein chaar seat mili theen. Aise mein agar Congress neeteesh ke saath aati hai to use faayda ho sakta hai. Ek paheli: Kabhi UP ki raajanaitik haisiyat ke bal par poore desh par raaj karne waali Congress aaj is raajya mein apne astitv ke liye joojh rahi hai. Jahaan tak Congress ki baat hai to Rahul Gandhi vahaan hamesha se akele ladne ki baat karte rahe hain. Aaraeladi jaisi paartiyon ko chhod diya jaae to Rahul raajya mein apne kaaryakartaaon se lagaataar SP, BSP netaaon va sarkaaron ke khilaaf aavaaj uthaane ki baat karte rahe hain. Pichhle Loksabha chunaavon mein jahaan Congress ne 22 seatein jeeti theen, vaheen vidhaanasabha chunaavon mein usaka pradarshan kaafi niraashaajanak raha. Raajaneeti ke hisaab se behad aham is raajya mein Congress aur BJP jaisi raashtreeya paartiyon ke alaava SC va BSP ki bhi majaboot daavedaari hai. Agar satta ke hisaab se dekha jaae to pichhle kai baras se satta inheen donon paartiyon ke beech rahi hai. UP ki kshetreeya raajaneeti ke maddenajar koi bhi party vahaan shaayad hi chunaavon se pehle taalamel karti dikhe. Tikaaoo saajhedaari: Kuchhek jhatakon ko chhod diya jaae to Congress aur enaseepi ki saajhedaari agar tiki hai to usaki ek badi vajah Maharashtra mein unki raajanaitik majaboori hai. Raajya ki satta mein bane rahane ke liye Congress enaseepi ki majaboori hai isliye donon saath-saath hain. Agar donon paartiyaan alag-alag ladti hain to raajya mein sabse jyaada nuksaan enaseepi ko hoga. Haalaanki pichhle chunaavon ke baad se enaseepi lagaataar apna janaadhaar badhaane ki koshish mein lagi hai. Vahaan BJP aur shivsena ki jugalabandi ka saamana karne ke liye Congress aur enaseepi ka saath rahana jaroori hai.

Congress Ke Saath Kitne Haath https://www.angrejinews.com/pic/4110