Congress Ke Liye Dusht Se 'Atithi Dave Hue Modi

Breaking »

Congress Ke Liye Dusht Se 'Atithi Dave Hue Modi

Deharaadoon. . Yog guru raamadev Baba ke school ka udghaatan karne shukravaar ko haridvaar aa rahe Gujarat ke mukhyamantri Narendra Modi ke virodh ka ailaan karne ke baad Congress ab baikafut par aa gayi hai. Party ne virodh pradarshan sthagit karne ka faisala kiya hai, to raajya ki Congress sarkaar ne Modi ko raajya atithi banaane ka faisala kiya hai. Uttaraakhand mein Congress Budhvaar tak 'Dusht Modi vaapas jaao' ke naare laga rahi thi lekin achaanak 'Atithi devo bhav' ki sanskruti ka raag alaapane lagi. Iski asli vajah yah hai ki Congress ke virodh pradarshan ko koi khaas samarthan milta naheen dikh raha tha. Iske alaava party ko lagne laga tha ki Modi ke virodh ki rananeeti nikaaya chunaavon mein kaheen ulta asar na dikha day. Congress pravakta dheereindr prataap ne Budhvaar ko press conference mein 'Dusht Modi vaapas jaao' ka naara dete hue haridvaar mein Modi ke khilaaf pradarshan ka ailaan kiya tha. Modi par ki gayi tippani ke baad raajya mein BJP netaaon ne Congress par jordaar hamla bola tha aur Congress ko bayaan bhaari padne laga tha. Pradesh BJP ke adhyaksh teerath Singh raavat ne kaha ki Congress netaaon ke bayaav unke ochhepan au ghatiya maanasikta ko darshaata hai. BJP vidhaayak harabans Kapoor ne kaha ki Modi ki badhti lokapriyta se Congress ghabara gayi hai. Vah patanjali yogapeeth ke kaaryakram mein aa rahe hain, isliye hamaare atithi hain. Atithi ka anaadar devabhoomi ki parampara ho hi naheen sakti. Raajya mein nikaaya chunaav prachaar shukravaar ko khatm ho raha hai. Virodh ke ailaan ke baad Congress ko is baat ka dar sataane laga ki jyaada tool dene par Modi ka jaadoo kaheen haridvaar mein sar chadhkar na bolne lage. In vajahon se Congress ne virodh pradarshan se haath kheench liye aur uttaraakhand sarkaar ne Modi ko raajya atithi banaane ka faisala bhi liya. Guruvaar ko party pravakta dheereindr prataap ne sur badalate hue kaha ki Congress 'Atithi devo bhav' ki sanskrutir par vishvaas karti hai. Narendra Modi ke khilaaf virodh pradarshan hi isliye kiya ja raha tha ki Modi ki saampradaayik neetiyon ki or logon ka dhyaan jaae. Unhonne kaha ki Congress ne jo naara diya vah us par aaj bhi kaayam hai, par Modi raajya mein aa rahe hain isliye virodh vaapas le liya gaya. Is beech, sarkaari pravakta ke mutaabik Modi ke haridvaar pahunchane par ab unhein raajya atithi waali suvidhaaen bhi muhaiya karaai jaaengi.

Congress Ke Liye Dusht Se 'Atithi Dave Hue Modi https://www.angrejinews.com/pic/6838