Congress Adhyaksh Komal Svabhaav Ki Hain, Main Naheen Rahul Gandhi

Breaking »

Congress Adhyaksh Komal Svabhaav Ki Hain, Main Naheen Rahul Gandhi

Poonam paande nai Delhi. . Vidhaanasabha chunaav se pehle Delhi sarkaar aur sangathan ke beech ki tanaatani par lagaam lagaane pahunche Congress upaadhyaksh Rahul Gandhi ne kaafi kade tevar dikhaae. Unhonne sarkaar aur sangathan ke sabhi logon ko saaf shabdon mein kah diya ki anushaasanaheenata ko bilkul bardaasht naheen kiya jaaega. Sootron ke mutaabik Rahul ne kaha ki Congress prejideint sauft hain lekin main bahut strikt hoon. Behtar taalamel ke liye unhonne blauk star ke netaaon ko jyaada hak dene ka mantra bhi diya. Guruvaar ko Rahul Gandhi ne pradesh Congress office mein teen charanon mein meeting li. Pehle alag-alag Loksabha kshetr ke hisaab se saansadon, vidhaayakon, blauk pramukh aur jila pramukhon se mile. Fir jeete-haare kaaunsilrs se aur lunch ke baad party deligets se mulaakaat ki. Sabhi ke gile shikve sunane ke saath hi Rahul ne saaf kaha ki agar chunaav jeetna hai to milkar kaam karna hi hoga. Party ko majaboot aur ekajut karne ke liye unhonne blauk star ke netaaon ko jyaada hak dene ki baat kahi. Sootron ke mutaabik Rahul ne kaha ki agar party mein sabhi ko lagega ki aapasi rajaamandi se hi sab tay hota hai to manamutaav bhi kam hoga aur sab ek doosare se bana kar chaleinge. Unhonne Delhi ke Congressi netaaon ko field vark karne ki bhi naseehat di. Meeting ke baad keindreeya mantri Kapil sibbal ne kaha ki 'Blauk leval par hak deinge to matabhed door ho jaaenge. Agar blauk pramukh ko yah hak ho ki emaelae ka chunaav kaun ladega to unka dar bhi rahega aur tab taalamel bhi hoga. Kuchh pradeshon mein hak hai, kuchh mein naheen hai. Party varkar ka, blauk pramukh ka kya adhikaar hai unhein milna chaahiye. ' pradesh adhyaksh J. Pi. Agrawal ne kaha ki sangathan aur sarkaar ke beech itni badi khaai naheen hai jo pat na sake. Maamooli-si doori hai jo haath aage badhaate hi door ho jaati. Agar kisi ko koi shikaayat thi to vah Rahul Gandhi ke saamane rakh di gayi. Unhonne kaha 'Jab bada aadmi aa jaata hai, peeth mein thapaki maar deta hai aur pyaar se kehta hai ki chalo kaam karo to saari khataas door ho jaati hai.

Congress Adhyaksh Komal Svabhaav Ki Hain, Main Naheen Rahul Gandhi https://www.angrejinews.com/pic/9510