Columbia Mein Bas Mein Lagi Aag, 31 Bachchon Ki Maut

Breaking »

Columbia Mein Bas Mein Lagi Aag, 31 Bachchon Ki Maut

Bogota: uttari Columbia mein ek bas mein aag lagne se usamein savaar 31 bachchon ki jhulasakar maut ho gayi hai. Kolanbiyaai red kraus ke seejar uraena ne bataaya ki fandaasiyon kasbe ke nikat hue is haadase mein ek vyask samet 25 anya ghaayal ho gaye hain aur gambhir roop se jhulas gaye hain. unhonne bataaya ki buri tarah se jhulase in logon ko is ilaake mein aur Santa maarta shahar ke aspataalon mein bharti karaaya gaya hai aur kai logon ki haalat ab bhi gambhir hai. fandaasiyon ki mayor luj stela duraan ne samvaadadaataaon ko bataaya ki bas mein savaar bachchon ki aayu ek se aath varsh ke beech thi aur ve ek dhaarmik kaaryakram mein bhaag lene ke baad apne apne ghar laut rahe the. maagdaalena dipaartameint ki police ne bataaya ki bas mein dopahar mein visfot hua aur aag itni bheeshan thi ki mrutakon ki sankhya ka pata lagaane mein samasya ho rahi hai. mayor ne bataaya ki haadase mein jeevit bache logon ke anusaar, chaalak ne bas mein petrol ka ek kantenar rakha hua tha. Unhonne bataaya ki chaalak faraar hai. Gussaae sthaaneeya logon ne chaalak ke ghar jaakar vahaan patharaav kiya.

Columbia Mein Bas Mein Lagi Aag, 31 Bachchon Ki Maut https://www.angrejinews.com/pic/50993