Clean Enarji Par 77.7 Karod Dollar Inavest Karega World Bank

Business »

Clean Enarji Par 77.7 Karod Dollar Inavest Karega World Bank

[ shuchi shreevaastav | Mumbai ] world bank desh ke clean enarji projekts mein 77.5 karod dollar inavest karne ki taiyaari mein hai. World bank ko ummeed hai ki nai sarkaar is sector ko fiscal aur paulisi support muhaiya karaaegi, taaki rinyuval enarji mein aur inavestameint ko badhaava diya ja sake. World bank mein leed enarji speshalist aasheesh khanna ne bataaya, 'Nai sarkaar ne clean enarji ko lekar jo sahayog dikhaaya hai, vah utsaahajanak hai. Isse is sector ko badhaava milega aur atake pade investments ka raasta saaf ho sakega. World bank clean enarji inavestameint ko aage badhaane ke liye sarkaar ke saath paartanaraship ke liye taiyaar hai. ' power, kol aur rinyuval enarji ministar peeyoosh Goyal ne haal mein kaha tha ki rinyuval risorsej ke liye sambhaavana aur skop enarji sikyoriti sunishchit karne ke sarkaar ke iraade ka hissa hai. BJP ke enarji sel ke national kanvenar Narendra teji ne ikanaumik times se baatcheet mein kaha tha ki sattaadhaari party ka saaf taur par yeh maanana hai ki desh mein har ghar mein bijli laane mein rinyuval enarji ka aham rol rahega. Desh ke clean enarji sector ne kai international inavestars ka dhyaan bhi apni or aakarshit kiya hai. Haal mein velaspan enarji aur rinyoo power jaisi companiyon ko general ilektrik, asian divelapameint bank aur goldamain saiks jaisi companiyon se inavestameint mila hai. World bank mein klaaimet inavestameint ke program manager jeevorg S ne bataaya ki bank ne aisi do pariyojanaaon ke nivesh ke liye manjoori di hai. Inmein 10 karod dollar ka Himachal pradesh divelapameint paulisi loan aur 20 karod dollar ka Rajasthan rinyuval enarji traansamishn inavestameint shaamil hain, jise laagoo karavaane ki jimmedaari asian divelapameint bank ke paas hogi. World bank ke mutaabik, klaaimet inavestameint fund midl-income vaale deshon ko rinyuval enarji, enarji efishiyensi aur sastenebal transport mein lo-kaarban technology ke traansafar aur demaunstreshan mein vikalp talaashane ke liye bhaari chhoot par sansaadhan muhaiya karaata hai. Khanna ne bataaya ki Bhaarat mein clean projekts ki hissedaari mein lagaataar badhotri ho rahi hai. Haalaanki, unhonne kaha, 'National solar mission ke taaraget ko haasil karne ki khaatir sarkaar ke liye saaf laung tarm paulisi, reguleshan aur financial support system taiyaar jaroori hoga. Saath hi, is sector ke financial sansthaanon ke liye kamarshiyl loan ki jyaada se jyaada suvidha muhaiya karaane par vichaar karna hoga. '

Clean Enarji Par 77.7 Karod Dollar Inavest Karega World Bank https://www.angrejinews.com/pic/56271