Chunaavon Ko Prabhaavit Naheen Kar Sakta Jhooth Aur Farjeevaada Jaitley

Business »

Chunaavon Ko Prabhaavit Naheen Kar Sakta Jhooth Aur Farjeevaada Jaitley

Nayi Delhi, 23 March (bhaasha) Congress par jhoothi aur farji fotokaupiyon ko bi S yediyurappa ki daayari bataane ka aarop lagaate hue vitt mantri Arun Jaitley ne shanivaar ko kaha ki jhooth aur farjeevaada chunaavon ko prabhaavit naheen kar sakte kyonki matadaata netaaon se jyaada buddhimaan hote hain. Congress ne shukravaar ko media mein I us khabar ki Lokpal se jaanch karaane ki maang ki thi jismein aarop lagaaya gaya tha ki Karnataka ke poorv mukhyamantri bi S yediyurappa ne bhaajapa ke sheersh netaaon ko 1800 karod rupaye ki rishvat di thi. aarop yediyurappa ki us kathit daayari ki fotokaupi par aadhaarit hain jo kar vibhaag ko saunpi gayi hai. Jaitley ne kaha ki Congress dvaara taiyaar aur muhaiya farji fotokaupiyaan yediyurappa ki daayari ke roop mein pesh ki gain. Jaitley ne kaha, ''Jhooth aur jaalsaaji kisi chunaav ko kabhi prabhaavit naheen kar sakti. Matadaata netaaon se jyaada buddhimaan hote hain, ve unase bhi jyaada buddhimaan hain jo jhooth aur farjeevaadon ke 'Kaaravaan' par savaar hain. '' mantri ne '' vipaksh ka kaaravaan ek naye nichle star par pahuncha : Jhooth se farjeevaada tak'' sheershak se apne blog mein kuchh media sangathanon par jhooth ko sahi bataane ka aarop lagaaya. Jaitley ne kaha ki aisa lagta hai ki dastaavej Congress party aur uske neta dvaara muhaiya karaaya gaya farjeevaada hai. bhaajapa neta ne kaha, ''Har din nai samasyaaon ka saamana kar rahi Congress party saim pitroda dvaara kiye gaye aatmaghaati gol se dhyaan bhatakaana chaahati thi. Unhonne baalaakot par vaayusena ke lakshit hamle par savaal uthaae the. Jhooth ka 'Kaaravaan' 'Rahul belaaaut (sankat se ubaarane)' ke liye taiyaar tha. '' gaurtalab hai ki pitroda ne shukravaar ko pulavaama aatanki hamle ke baad Pakistan ke khilaaf sarkaar ki aakraamak kaarravaai par savaal uthaae the.

Chunaavon Ko Prabhaavit Naheen Kar Sakta Jhooth Aur Farjeevaada Jaitley https://www.angrejinews.com/pic/263034