Chunaavi Rally Se Pak Ke Poorv PM Gilaani Ka Beta Agava

World »

Chunaavi Rally Se Pak Ke Poorv PM Gilaani Ka Beta Agava

nai Delhi. . Agyaat bandookdhaariyon ne taabadtod firing karte hue chunaav prachaar ke dauraan Pakistan mein poorv pradhaanamantri Yusuf raja gilaani ke bete Ali haidar gilaani ko multaan se agava kar liya. Firing mein gilaani ke sekretari aur ek suraksha guard ki maut ho gayi hai, jabki kai log ghaayal hue hain. Ali haidar poorv PM gilaani ke chhote bete hain aur Punjab mein praanteeya assembly ka chunaav lad rahe hain. Vah PS 200 seat se peepals party ke ummeedavaar hain. Jis samay unhein agava kiya gaya, us samay vah chunaavi rally ko sambodhit kar rahe the. Police ke mutaabik, 2 apaharanakarta motorcycle par aae. Police ne yah bhi bataaya ki apaharakartaaon ke paas car bhi thi. Bataaya ja raha hai ki ek gut ne Ali haidar ko pehle hi multaan mein chunaav prachaar na karne ki chetaavani di thi, lekin unhonne ise naheen maana. TV riports ke mutaabik chunaavi rally ke dauraan haidar ko agava karte hue apaharanakartaaon ne firing bhi ki. Pakistan mein 11 May ko chunaav hone hain aur uske liye aaj chunaav prachaar ka antim din hai.

Chunaavi Rally Se Pak Ke Poorv PM Gilaani Ka Beta Agava https://www.angrejinews.com/pic/8178