Chunaavi Kharch Ka Byaura Na Dene Par Mantri Ko Notice

Breaking »

Chunaavi Kharch Ka Byaura Na Dene Par Mantri Ko Notice

vishesh samvaadadaata. Lucknow : Uttar pradesh vidhaanasabha chunaav mein hue kharch ka byaura na bhejane vaale 1 mantri samet kai vidhaayakon ko chunaav aayog ne notice jaari kiya hai. Aayog ke anusaar UP mein SP sarkaar ko bane ek saal se jyaada ho gaya hai, lekin ab tak kuchh mantri aur vidhaayak apne chunaavi kharch ka byaura bhejane mein laaparavaahi barat rahe hain. Hai. UP ke saanis end technology ministar Abhishek mishra chunaav aayog ka notice paane vaalon mein shaamil hain. Ab tak 6 vidhaayakon ne chunaav kharch ka lekha-jokha aayog ko naheen bheja hai. Aayog ka maanana hai ki vidhaanasabha chunaav mein kuchh pratyaashiyon ne paani ki tarah paisa bahaaya, lekin ab tak in ummeedavaaron ko apne chunaavi kharch ka lekha-jokha aayog ko bhejane ki furasat naheen mili hai. Notice paane vaalon mein uttar pradesh ke vigyaan aur praudyogiki mantri Abhishek mishra samet vidhaayak mohammad rehaan Siddiqui, vidyaasaagar gupt, aashutosh Tandon, Dr. Neeraj bora, meraaj Khan, shyaam kishor shukla, naseemuddeen Siddiqui tinkoo shreevaastav aur chandra prakaash avasthi ko aayog ne notice jaari kiya hai. Kai maananeeya aise hain, jinhonne aayog ke notice ka javaab tak naheen diya. Chunaav aayog ne vidhaanasabha chunaav lad chuke 2 ummeedavaaron, pees party ke mansoor Ahmad kuraishi aur Indian Justice party ke vikaas Kumar sonakar ko ab tak chunaavi kharch jama na karne ke maamale mein ayogya karaar diya hai. Ab donon bhavishya mein kabhi chunaav naheen lad sakeinge.

Chunaavi Kharch Ka Byaura Na Dene Par Mantri Ko Notice https://www.angrejinews.com/pic/7690