'Chunaavi Bigul Bajate Hi Meri BJP Mein Hogi Entry

India »

'Chunaavi Bigul Bajate Hi Meri BJP Mein Hogi Entry

teeenaen. Lucknow : Uttar pradesh ke poorv mukhyamantri kalyaan Singh ne BJP neta Lal Krishna Advani ki jaldi chunaav hone ki bhavishyavaani ka samarthan karte hue apne aakalan ke hisaab se kaha ki sansad May-June mein kisi bhi samay bhang ki ja sakti hai aur uske baad chunaav ki ghoshana hote hi vah BJP mein shaamil ho jaaenge. Kalyaan ne kaha ki UPA-2 Loksabha chunaav karaane ke liye poore kaaryakaal tak intajaar naheen kar sakti. Yah tay hai ki November-December mein 5 raajyon, Rajasthan, Madhya Pradesh, Chhattisgarh, Jharkhand aur Delhi ke vidhaanasabha chunaav mein Congress ko haar ka munh dekhna padega. Aisi haalat mein vah vidhaanasabha chunaav ke baad Loksabha chunaav karaane ka saahas naheen kar sakti. Unhonne kaha ki bhrashtaachaar aur ghotaale ke aaropon se ghiri hui Congress ke netrutv waali UPA sarkaar vidhaanasabha chunaav ke saath hi Loksabha chunaav karaane ki ghoshana kar sakti hai. Unhonne Congress upaadhyaksh par hamla karte hue kaha ki Rahul ke bhaashanon aur unki vichaaradhaara se naheen lagta ki unamein pradhaanamantri banane ki kaabiliyt hai. Isse pehle Advani ne jaldi Loksabha chunaav ki sambhaavana jataate hue kaha tha ki BJP 5 raajyon mein hone vaale vidhaanasabha chunaav mein behtar pradarshan karegi. Aisi sthiti mein vidhaanasabha chunaav ke baad Congress Loksabha chunaav naheen karaana chaahegi? Kalyaan ne BJP mein shaamil hone ke samay ke baare mein kaha ki unka maksad unke isteefa dene se rikt hone waali seat par upachunaav taalana hai. Apni puraani party mein vaapas aane se pehle vah yah sunishchit karna chaaheinge.

'Chunaavi Bigul Bajate Hi Meri BJP Mein Hogi Entry https://www.angrejinews.com/pic/5184