Chunaav Sudhaar Ke Liye Law Commission Ki Report Ka Intajaar
India » Friday, March 29, 2013
pras. Nai Delhi: Chunaav aayog ki us maang ko law commission ke paas bhej diya gaya hai, jismein usane raajaneetik dalon ko milne vaale sabhi doneshan ko khaate mein dikhaane ko anivaarya banaane ko kaha hai, chaahe raashi kitni bhi kyon na ho. Gaurtalab hai ki vartamaan mein 20 hajaar rupaye se adhik ki raashi ka record dikhaana anivaarya hai. Law commission chunaav sudhaar ke mudde par kaam kar raha hai. Aise mein sarkaar ne koi nirnaya karne se pehle chunaav sudhaaron par commission ki sifaarishon ki prateeksha karne ka nirnaya kiya hai. Chunaav aayog ko bheje ek patra mein kaanoon mantraalaya ne maujooda kaanooni praavadhaan ka havaala diya hai, jismein raajaneetik dalon ko sirf unheen chandon ka byaura daakhil karna anivaarya hai, jinki raashi 20 hajaar rupayon se adhik hoti hai. Mantraalaya ke anusaar, agar sarkaar jan pratinidhitv kaanoon mein sanshodhan karne ka nirnaya karti hai to chunaav aayog ki maang ko shaamil kiya jaaega. Sootron ke anusaar, law commission chunaav sudhaar par agale maheene apni report saunp sakta hai. Iske baad is masale par sarvadaleeya baithak ho sakti hai.