Chunaav Daayari . . . Taaki Inki Shahaadat Yaad Rahe

Breaking »

Chunaav Daayari  . . . Taaki Inki Shahaadat Yaad Rahe

Nai Delhi: 2014 ka aam chunaav khatm ho gaya. . Har jagah bas ek hi charcha hai, kya BJP akele apne dam par bahumat haasil kar paaegi ya fir NDA ke boote sarkaar banaaegi. Congress kya do anko mein simat kar rah jaaegi aur UPA ka kunaba badi mushkil se sau ka aakada paar kar paaega, lekin in sabke beech ek baat par na to media aur na hi dalon ke beech charcha ho rahi hai. vo ye ki is chunaav ko karavaane ke liye kareeb 50 se jyaada javaanon ne apni jaan ganvaai. Akele CRPF ke 26 javaan chunaav dyuti karte hue shaheed ho gaye. Itna hi naheen akele isi bal ke kareeb 35 javaan ghaayal bhi hue hain. lagta hai in javaanon ka kasoor bas itna raha ki ve desh mein saaf suthare chunaav karavaana chaahate the. Aisa pehli baar hua hai jab chunaav ke dauraan itni badi tadaad mein javaan maare gaye hain. isse pehle 2004 ke aam chunaavon ke dauraan do aur 2009 mein chhah javaan ki maut hui thi. Baavajood iske javaanon ke hausale kam naheen hue. is baar 127 IED, 52 hathiyaar, 452 gola baarud aur 807 kilo visfotak jabt kiye gaye. Aur to aur 52 dafa se jyaada enakaauntar bhi hue. shaayad hi ye baat logon ko pata ho ki chunaav ke din ho ya fir usaki taiyaariyon ko lekar, ye javaan subah se lekar shaam tak 40 se 50 kilometer paidal chale hain. jungle se lekar pahaad tak mein inki madad ke bagair chunaav ho paana naamumikn tha, is baat se bekhabar hokar ki maut unka peechha kar rahi hai. Kai dafa to aisa bhi hua ki javaan ghaayal hokar sadak par pada hua hai, lekin use aspataal le jaane ke liye helicopter ghanton baad pahuncha. ise lekar jab humne aala adhikaariyon se baat ki to pata chala ki ve chaahakar bhi javaanon ki madad ke liye turant helicopter naheen bhej sakte the. Kyonki isse pehle unhein poore ilaake ki gheraabandi karni padti taaki naksali fire na kar dein. iske alaava kaagaji kaarravaai mein bhi deri to ho hi jaati hai, vaise bhi ye javaan Narendra Modi ya Rahul Gandhi to hain naheen jinke liye ek naheen kai helicopter chaubeeson ghante upalabdh rahata hai. aaj in javaanon ki shikaayat hai, chunaav mein koi bhi jeete, lekin unki bahaaduri aur kurbaani ko na bhoolein. Kyonki lokatantr ko bachaae rakhane ke liye unhonne jo shahaadat di hai, usase badi kurbaani kuchh aur naheen ho sakti.

Chunaav Daayari . . . Taaki Inki Shahaadat Yaad Rahe https://www.angrejinews.com/pic/50564