Chunaav Daayari Modi Sarkaar Par Maathaapachchi

Breaking »

Chunaav Daayari  Modi Sarkaar Par Maathaapachchi

Gandhinagar mein Budhvaar ko Narendra Modi se mulaakaat ke dauraan BJP ke sheersh neta Gandhinagar mein Budhvaar ko Narendra Modi se mulaakaat ke dauraan BJP ke sheersh neta Nai Delhi: Gandhinagar se kal aain tasveerein sambhaavit Narendra Modi sarkaar ki rooparekha ko bayaan kar rahi hain. Rajnath Singh aur arun jetali sofe ki singal seat par baithe hain. Narendra Modi aur nitin gadkari double seat vaale sofe par. jetali ke daaen haath ki taraf ek file rakhi dikh rahi hai. Aisi hi ek file Modi ke bagal mein rakhi hai. Saamane ki center table par Modi, Rajnath aur jetali ke aage nots lene ke liye daayari aur kalam rakhe dikh rahe hain. Jabki gadkari ke saamane peele rang ke do lifaafe ek ke oopar ek rakhe hain. Oopar vaala khula hai. Side table par guladasta rakha hai, jise shaayad thodi der pehle Modi ko diya gaya hoga. in tasveeron mein Sushma Swaraj ko bhi hona tha. Lekin unhein apne chunaav kshetr mein jaana tha. Lihaaja is baithak se pehle Delhi mein hi Rajnath Singh aur nitin gadkari ne unase mulaakaat kar li thi. Sushma ko milaakar Modi, jetali, Rajnath Singh aur gadkari, agar inhein agali Modi sarkaar ka kor group kahein, to zyaada sahi hoga. agar in tasveeron ka Milan 10 saal pehle Loksabha chunaav ke nateeje aane ke pehle 7, resakors rod par tab hui baithak ki tasveeron se karein, to badli BJP saaf dikhaai degi. Tab ki tasveeron mein atal bihaari Vajpayee ke saath Lal Krishna Advani, jasavant Singh, murali manohar Joshi aur pramod mahaajan dikheinge. 10 saal mein yamuna mein kaafi paani bah gaya. BJP bhi badal gayi hai. Balki BJP mein pichhle 10 saal mein jitna badlaav naheen hua hoga, utana 16 May ke baad se hoga. is badlaav ki neenv pichhle saal 13 September ko rakh di gayi thi, jab BJP ke sansadeeya board ne Narendra Modi ko pradhaanamantri pad ka ummeedavaar ghoshit kiya tha. Uske baad se jis mehnat, lagan aur pratibaddhata ke saath Modi ne poore desh mein party ka jhanda buland kiya hai, usaki misaal milni mushkil hai. Is Loksabha chunaav mein sirf ek hi mudda tha Narendra Modi. Aur agar BJP ko jeet milti hai, to iska sehara bhi sirf unheen ke sir bandhega. Par ab agar sarkaar banani hai, to jaahir hai sabko saath lekar kaam karna hoga. Mantrimandal mein kisi rakhana hai aur kise naheen, yeh pradhaanamantri ka visheshaadhikaar hota hai. BJP UPA par satta ke do kendra hone ke aarop lagaati rahi hai aur kehti rahi hai ki soniya Gandhi ne pradhaanamantri kaaryaalaya ki garima ko kam kiya. Aise mein is baat ki atakal lagaana ki Modi par BJP ya RSS ke varishth neta apni pasand thop sakte hain, mumkin naheen lagta. yeh yaad rakhana jaroori hai ki RSS ke inkaar karne ke baavajood atal bihaari Vajpayee ne jasavant Singh ko vitt mantraalaya ki jimmedaari di thi. Lekin Modi ke liye Lal Krishna Advani aur murali manohar Joshi jaise diggaj netaaon ke liye bhoomika tay karna tedhi kheer saabit hoga. RSS chaahata tha ki ye donon hi neta Loksabha ka chunaav ladne ke bajaae Rajyasabha mein jaaen. Lekin donon ne isse saaf inkaar kar diya. Balki Modi ko pradhaanamantri pad ka ummeedavaar banaae jaane se bhi ye donon neta khush naheen the. Advani zyaada naaraaj the ki unke rahate hue kisi aur ko PM ummeedavaar kaise banaaya ja sakta hai. Ab fir vahi savaal saamane aaya hai. Kya Advani aur Joshi isliye chunaav lade ki ve Modi sarkaar mein mantri banana chaahate the? Agar naheen, to fir sambhaavit sarkaar mein unki kya bhoomika hogi. Advani ke kareebi ishaara kar chuke hain ki Advani Modi sarkaar mein shaamil naheen hona chaahate, magar Loksabha adhyaksh jaisa samvaidhaanik pad lene se unhein gurej naheen. Vaheen yeh tay hai ki Joshi bhi sarkaar mein naheen raheinge. Advani ko lekar ek duvidha yeh bhi hai ki filhaal vah NDA ke kaaryakaari adhyaksh aur BJP sansadeeya dal ke adhyaksh bhi hain. Jab tak BJP vipaksh mein thi aur yeh tay naheen tha ki party mein sheershasth neta kaun hai, tab tak Advani ka in donon padon par rahana koi dikkat paida naheen karta tha. Lekin agar Modi pradhaanamantri bante hain aur Advani in donon padon par bane rahate hain, to fir se Modi ke adhikaaron par chunauti uthane ka khatra barkaraar rahega. Khaaskar tab jabki Modi ko lekar Advani samay-samay par apni aprasannata vyakt karte rahe hain. bataur pradhaanamantri atal bihaari Vajpayee NDA ke adhyaksh the aur sansadeeya dal ke neta bhi. Koi kaaran naheen hai ki bataur pradhaanamantri Narendra Modi ko ye donon pad na milein. Jabki speaker jaise samvaidhaanik pad par kaabij hone ke baad Advani sarkaar aur party ke androoni kaamkaaj mein na to koi dakhal de paaenge aur na hi aisa karna us samvaidhaanik pad ki garima ke anukool hoga. speaker ka pad bhi behad samvedansheel hota hai. Khaaskar gathabandhan ki sarkaar mein. 1998 mein atal bihaari Vajpayee ki sarkaar sirf ek vote se giri thi. Tab teedeepi ke jeeemasi baalayogi speaker the aur unhonne udeesa ke tatkaaleen mukhyamantri giridhr gamaang ko vote dene ki ijaajt de di thi. Raajaneeti mein Advani ne pehla pad speaker ka hi liya tha. Delhi ki metropolitan kaunsil mein. Ab apne career ke antim padaav par bhi vah yahi pad chaahate hain. Par is baar Loksabha ka. Dekhna hoga party kya faisala karti hai.

Chunaav Daayari Modi Sarkaar Par Maathaapachchi https://www.angrejinews.com/pic/50620