Chunaav Daayari Delhi Aur Delhi Ki Sarkaar

Breaking »

Chunaav Daayari  Delhi Aur Delhi Ki Sarkaar

File photo File photo Nai Delhi: aajkal khabar zoron par hai ki kya aam aadmi party Delhi mein ek baar fir sarkaar banaaegi? Zaahir si baat hai 70 seaton ki vidhaanasabha mein aam aadmi party ke paas 27 vidhaayak hain. (28 the lekin ek ko party ne nikaal diya) to sarkaar banaane ke liye samarthan Congress ke aath vidhaayakon ka lena hoga, haalaanki sankhya 36 ki honi zaroori hai, lekin BJP ke teen vidhaayak kyonki ab sansad pahunch gaye hain to Congress ke samarthan se sarkaar ban to sakti hai. lekin kahaani is guna bhaag ki naheen hai, kahaani ye hai ki aam aadmi party ka Loksabha mein pradarshan kharaab raha hai, apne ghar Delhi ki sabhi seatein to haare hi saath hi aravind Kejriwal ko chhod Delhi se baahar sabhi bade netaaon ki zamaanat zabt ho gayi aur Delhi hi ki baat kar lo to yahaan 60 vidhaanasabha seaton par BJP ne badhat banaai jabki aam aadmi party keval 10 mein hi badhat barkaraar rakh saki. aam aadmi party mein aavaaz uth rahi hai ki hamako sarkaar banaani chaahiye aur jo log ye aavaaz utha rahe hain unke paas iski vajah bhi hain. pehla, Delhi mein sarkaar chhodane ki vajah se poore desh mein party se naaraazagi badhi aur party ke liye maahaul kharaab ho gaya, isliye is baar sarkaar banaakar apni shaasan kshamata ko saabit karna chaahiye. Doosra, Modi ki hava itni prachand hai ki agar vidhaanasabha chunaav hue to shaayad BJP yahaan bhi poorn bahumat se sarkaar bana le. teesara, party lagaataar chunaav lad rahi hai aur doneshan dene vaale bhi kab tak apni vaait mani dete raheinge. Khaastaur se tab jab party Delhi mein hi haar gayi aur Delhi ka sabse bada votar middle class namo jaap kar raha ho. Chautha, lagaataar chunaav ladakar sab thake hue hain aur vaalantiyrs ka manobal bhi is samay gira hua hai, aise mein chunaav mein na jaakar sarkaar banaayi jaae aur apni galati maani jaae. lekin, doosra dhada is baat se sahamat naheen hai, usaka kehna hai ki agar sarkaar banaain to us naitik aadhaar ka kya hoga jiska raag pichhle teen maheene se sarkaar chhodane ke baad party alaap rahi thi, doosra, Congress par vo bharosa kaise kare kyonki Congress ke vote bank par kabza karke aam aadmi party ne Congress ka Delhi se safaaya kiya hai aur Congress ki poori koshish hogi ki kisi tarah is party ko niptaaya jaae tabhi usaka astitv bachega. teesara, ab sarkaar banaane ka sandesh ye bhi ja sakta hai ki aap ko bhi ab satta ka laalach ho gaya hai, aur chautha is poore ghatnaakram se party ki aparipkvata ek misaal ban jaaegi. vaise khabar nikalte hi aap ne kaha ki sarkaar banaane ka koi savaal hi naheen uthata to Congress boli koi samarthan naheen deinge. Ab aap ko to kya ye khabar yaheen khatm maan li jaae? Yaani sarkaar naheen ban rahi Delhi vaalon ki? iske liye hamein Congress ki haalat par gaur faramaana padega Delhi mein vidhaanasabha mein uske aath vidhaayak hain aur ab hue Loksabha mein vah ek bhi vidhaanasabha seat par badhat naheen bana pai. siyaasi halakon mein sab is baat par sahamat hain ki Delhi mein fir chunaav hue to Congress shaayad ek bhi seat na jeet paae kyonki Loksabha chunaav mein keval 15 feesadi voton ke saath Delhi mein Congress apraasangik ho gayi hai. yaani uske paas aam aadmi party ko samarthan dekar usaki sarkaar banavaane se badhiya koi vikalp naheen hai. vaise aam aadmi party ispar koi antim faisala naheen hua hai lekin aam aadmi party koi kadam tab aage badhaana chaahegi jab Congress khud sarkaar banavaana chaahe aur ailaan kare ki Delhi ki janta ke hit aur BJP ko rokane ke liye vo aam aadmi party ko samarthan dekar chaahati hai ki vo ek baar fir Delhi vaalon se kiye vaade poore kare. aap ka apni taraf se pahal karna mushkil lagta hai kyonki isse usaki saakh par batta lag sakta hai kyonki party ka siddhaant hi gathabandhan ke liye mana karta hai aur pichhli baar bhi Congress ne khud hi samarthan diya tha. Aap ne maanga naheen tha aise mein khud samarthan kaise maang le? udhar, Congress bhi apni taraf se ailaan naheen karna chaah rahi vo chaah rahi hai ki aam aadmi party jhuke aur khud samarthan ki maang kare. Aakhir jo bhi ho Congress hai to national party hi na. Itni aasaani se kaise us party ke saamane jhuk jaae jisne uske ghar se usako nikaal diya. yaani pehle 'Aap' aur pehle 'Congress' ka khel Delhi mein abhi chal raha hai jo kuchh din abhi aur chal sakta hai. ek patrakaar ke taur par main apna paksh naheen rakh sakta, lekin kyonki Delhi kavar karta hoon aur hoon to ek naagrik hi isliye ye zaroor kehna chaahata hoon is samay Delhi vaalon ko apni chuni hui sarkaar ki sabse zyaada jaroorat hai. Garmi ka mausam hai paani ki killat badhne lagi hai, bijli ghanton gaayab rahane ki khabarein aane lagi hain, iske alaava Delhi mein zyaadaatar kaam sarkaar na hone ki vajah se ruke hue hain aur afasarashaahi haavi hai. kul milaakar Delhi mein koi kehne sunane vaala naheen hai, sarkaar kisi ki bhi ho. … agar hogi to koi to hoga jo samasya door karega, koi to sunega janta ki, koi to hoga jo aashvaasan dega ki chinta na karein aapka kaam ho jaaega. agale kuchh din Delhi ki raajaneeti aur Delhi ke naagrikon ke liye aham raheinge.

Chunaav Daayari Delhi Aur Delhi Ki Sarkaar https://www.angrejinews.com/pic/51019