Chunaav Aayog Ke Ban Ke Khilaaf Yaachika Khaarij

India »

Chunaav Aayog Ke Ban Ke Khilaaf Yaachika Khaarij

PTI. Allahabad : Allahabad High Court ne dabang raajaneta di. Pi. Yadav ki patni umalesh Yadav par lagaae gaye chunaav aayog ke ban ke khilaaf daayar yaachika khaarij kar di hai. Chunaav aayog ne umalesh ko ped news chhapavaane aur chunaavi kharch ka sahi byaura na pesh karne ke chalte chunaav ladne se 3 saal ke liye ayogya thahara diya hai. Ab vah 3 saal tak chunaav naheen lad sakeingi. Nyaayamoorti ashok bhooshan aur nyaayamoorti bhaarati saproo ki khandapeeth ne yaachika ko khaarij karte hue kaha ki is yaachika mein koi bhi thos aur praasangik tathya naheen hai. Umalesh 2007 mein bisauli vidhaanasabha seat se nirvaachit ghoshit hui thi. Unhonne chunaav apne pati ki party raashtreeya parivartan dal ke banner tale lada tha. 27 April 2007 ko sambandhit nirvaachan kshetr mein matadaan se ek din pehle press kaaunsil of India se shikaayat ki gayi ki 2 hindi akhbaaron mein umalesh ki taareef mein report chhaapi gayi, jiske liye umalesh ne in akhbaaron ko bhaari-bharakam raashi bhi di. Press kaaunsil ke 31 March 2010 ko diye gaye faisale mein kaha gaya ki in akhbaaron mein umalesh ki taareef mein chhapi riports ek vigyaapan hi thi, jise news aaitams ki shakl mein chhaapa gaya tha. Press kaaunsil ne is maamale ko aage kaarravaai ke liye chunaav aayog ko bhej diya. Chunaav aayog ne is saare maamale ki jaanch ke baad janapratinidhitv kaanoon ki dhaara ke tahat 20 October 2011 se umalesh ke chunaav ladne par 3 saal ki rok laga di. Sanyogavash umalesh ke pati di. Pi. Yadav poorv vidhaayak aur kai paartiyon se jude rah chuke hain. Unka beta vikaas Yadav neeteesh kataara hatyaakaand mein mukhya aaropi hai.

Chunaav Aayog Ke Ban Ke Khilaaf Yaachika Khaarij https://www.angrejinews.com/pic/8042