Chotil Dhavan Ke Kavar Ke Taur Par Bhaarateeya Team Se Judeinge Pant

Cricket »

Chotil Dhavan Ke Kavar Ke Taur Par Bhaarateeya Team Se Judeinge Pant

Naatingham, 12 June (bhaasha) yuva wicket-keeper ballebaaj rishabh pant ko Budhvaar ko chotil shikhar dhavan ke kavar ke roop mein Bhaarat ki vishv cup team se joda gaya hai lekin apne saathi salaami ballebaaj ke poori tarah se baahar naheen hone tak unhein dresing room mein jaane ka mauka naheen milega. pant ka mool team mein naheen chuna jaana charcha ka vishay raha tha kyonki vah pichhle ek saal se shaanadaar firm mein the. Vah ravivaar ko Pakistan ke khilaaf hone vaale bahuprateekshit match se poorv Manchester mein team se judeinge. England daure par aaye BCCI ke ek adhikaari ne PTI se kaha, ''Team prabandhan ke aagrah par rishabh pant ko kavar ke taur par Bhaarat se bulaaya gaya hai. '' baaki tournament mein dhavan ki upalabdhata ko lekar team prabandhan ke antim faisala naheen karne tak unhein vikalp ke taur par team se naheen joda jaaega. pant ne pichhle ek saal mein prabhaavashaali pradarshan kiya. Unhonne England aur Australia mein test maichon mein shatak bhi lagaaye aur pichhle maheene IPL ke dauraan achhi firm mein the. BCCI sootron se pata chala hai ki 2015 vishv cup mein dhaval Kulkarni ki tarah pant aupachaarik roop se team ka hissa naheen honge aur match ke din unhein dresing room mein jaane ka mauka naheen milega. ek sootr ne PTI se kaha, ''Vah Manchester mein Pakistan ke khilaaf match se pehle pahunchega. Isliye vah yahaan naheen aa paaega lekin vah Manchester mein hoga. Vah team ka hissa naheen hoga isliye khaleel Ahmad ke saath alag se yaatra karega. '' unhonne kaha, ''Match ke din use dresing room mein aane ka mauka naheen milega. ICC ke bhrashtaachaar rodhi niyamon ke anusaar sirf chune hue khilaadi hi team ke saath yaatra kar sakte hain aur dresing room mein ja sakte hain. '' suneel Gavaskar sahit kai poorv khilaadiyon ne dhavan ke fit naheen ho paane par unki jagah pant ko team mein shaamil karne ki vakaalat ki thi. Dhavan baayein haath ke angoothe mein chot ke kaaran teen maichon se baahar ho chuke hain. Vah Australia ke khilaaf shatakeeya paari ke dauraan chotil ho gaye the.

Chotil Dhavan Ke Kavar Ke Taur Par Bhaarateeya Team Se Judeinge Pant https://www.angrejinews.com/pic/280773