Chot Se Ubarakar Chunauti Pesh Karne Ko Taiyaar Susheel

Sports »

Chot Se Ubarakar Chunauti Pesh Karne Ko Taiyaar Susheel

Indore. . Olympic gems ki vyaktigat spardhaaon mein lagaataar do baar padak jeetne vaale ekamaatr bhaarateeya khilaadi aur world champion pahalavaan susheel Kumar kandhe ki maansapeshi ki chot se ubar chuke hain. Ab vah Hungary mein September mein hone waali vishv kushti championship samet aagaami pratiyogitaaon mein apna damakham dikhaane ko taiyaar hain. Susheel ne ravivaar ko yahaan samvaadadaataaon se kaha, 'Kandhe ki maansapeshi ki meri chot ab theek ho chuki hai aur main desh ke liye fir kuchh kar dikhaana chaahata hoon. Agar mujhe aagaami pratiyogitaaon mein desh ki numaaindagi ka mauka milega, to main sakaaraatmak parinaam doonga. ' is 29 varsheeya world champion ne kaha ki kandhe ki chot ke baavajood unhonne apna prashikshan band naheen kiya tha. Haalaanki, is chot ke chalte unke prashikshan ka svaroop jaroor badal diya gaya tha. Unhonne bataaya ki filhaal unki nigaahein Hungary mein September mein hone waali vishv kushti championship par tiki hain aur vah is spardha mein hissedaari ki taiyaariyon mein jute hain. Susheel kandhe ki chot ke chalte April mein Delhi mein aayojit senior Asiaee kushti championship mein hissa naheen le sake the. Unhonne pichhle saal August mein London olympic ke baad se kisi bade tournament mein bhaag naheen liya hai.

Chot Se Ubarakar Chunauti Pesh Karne Ko Taiyaar Susheel https://www.angrejinews.com/pic/7738