Chitrakoot Mein Delhi Police Ke Eesaaai Ki Hatya

India »

Chitrakoot Mein Delhi Police Ke Eesaaai Ki Hatya

bhaasha. Chitrakoot : Jile ke bahilpurava thaana kshetr mein 8 lakh ki chori ke aaropi ki talaash mein pahunche Delhi police ke ek eesaaai ki goli maarkar hatya kar di gayi. City SP ke. Bi. Singh ne bataaya ki eesaaai jaya Bhagwan sharma ke netrutv mein Delhi ke rohini thaane ki ek police team chori ke ek maamale ki tahakeekaat karne yahaan pahunchi thi. Chitrakoot ke kukhyaat dakait balakhadiya urf sudesh Patel ke giroh par eesaaai ki hatya ka aarop lagaaya gaya hai. Balakhadiya par 5 lakh rupaye ka inaam ghoshit hai. Police ne bataaya ki eesaaai jayabhagavaan sharma apne ek sipaahi ke saath sthaaneeya police ko soochit kiye bina chori ke ek maamale mein faraar aaropi ki talaash mein bilhari pahunche the. Chitrakoot ke atirikt police adheekshak aar. Di. Chaurasiya ne bataaya ki bilhari ka ek truck chaalak premachandr Yadav Delhi sthit apne maalik ke 8 lakh rupaye lekar bhaag gaya tha. Jaya Bhagwan ek sipaahi, truck maalik aur aaropi ke saathi ko lekar apni private gaadi se aaropi ki talaash mein guruvaar der raat bilhari pahunche the. Chhaapemaari ki kaarravaai ke dauran balakhadiya giroh ke logon ne unhein goli maar di. Jaya Bhagwan ko gambhir haalat mein madhya pradesh sthit jaanki kund ke ek aspataal mein bharti karaaya gaya, jahaan ilaaj ke dauraan unki maut ho gayi. Udhar SP Krishna bahaadur Singh ka kehna hai ki unhein ghatna ki jaankaari guruvaar ko der raat graameenon se mili. Aaspaas ke sabhi thaanon ki police fors ke saath hamlaavaron ki talaash mein abhiyaan chalaaya ja raha hai aur ghatna ki soochana Delhi police ko day di gayi hai.

Chitrakoot Mein Delhi Police Ke Eesaaai Ki Hatya https://www.angrejinews.com/pic/8937