Chitfand Mamata Boleen, Fund Jutaane Ke Liye Jyaada Sigret Piyen

Breaking »

Chitfand Mamata Boleen, Fund Jutaane Ke Liye Jyaada Sigret Piyen

Kolkata. . Pashchim Bengal ki mukhyamantri mamata Bannerjee ne chitfand company shaarada ke niveshakon ko raahat dene ke liye 500 karod rupaye ka fund jutaane ka ajab raasta nikaala hai. Mamata ne kaha ki vah ismein se kuchh rakam sigret par tax badhaakar jutaaengi. Unhonne logon se appeal karte hue kaha hai ki ve adhik sigret piyen taaki fund mein jyaada paise jama ho sakein. Mamata ne kaha, 'Logon ke paise lautaane ke liye 500 karod ka fund banaaya jaaega. 150 karod rupaye sigret par 10 feesadi tax lagaakar jutaae jaaenge. Sigret peene vaale log jyaada sigret piyen, taaki fund ke liye jyaada paisa mil sake. ' gaurtalab hai ki mamata Bannerjee ke shaarada chitfand ghotaale par 500 karod rupaye ka fund jutaane par vivaad ho raha hai. Savaal uthaaya ja raha hai ki aakhir sarkaari khajaane se is ghotaale ki bharpaai kyon ki ja rahi hai. Vah bhi tab jab is ghotaale mein Trinamool ke saansadon samet kai netaaon ki mileebhagat saamane aa rahi hai. Aise mein mamata ki is ajeeb skeem se virodhiyon ko un par hamla karne ka ek aur mauka day diya hai. Gaurtalab hai ki shaarada chitfand company raatoraat band ho gayi thi. Isse uske laakhon niveshak sadak par aa gaye hain. Unke kareeb 20 hajaar karod rupaye doobne ki aashanka hai. Company ke Chairman sudeepto sen ko police ne mangalvaar ko shreenagar ke gaandarabal se arest kiya tha. Un par aarop hai ki unhonne laakhon jamaakartaaon ke paise ke saath fraud kiya. Sen ko guruvaar ko Kolkata ki adaalat mein pesh kiya jaana hai.

Chitfand Mamata Boleen, Fund Jutaane Ke Liye Jyaada Sigret Piyen https://www.angrejinews.com/pic/6735