Chitfand Ghotaalaa Sarkaari Khajaane Se 500 Karod Kyon
India » Thursday, April 25, 2013
Kolkata. . Pashchim Bengal sarkaar ne chitfand company shaarada ke niveshakon ko raahat dene ke liye 500 karod rupaye ka fund banaane ka ailaan kiya hai. Mukhyamantri mamata Bannerjee ke is faisale par savaal uth rahe hain ki aakhir sarkaari khajaane se is ghotaale ki bharpaai kyon ki ja rahi hai. Gaurtalab hai ki is ghotaale mein Trinamool ke saansadon samet kai netaaon ki mileebhagat saamane aa rahi hai. Udhar, chitfand ghotaale ke aaropi aur shaarada company ke Chairman sudeepto sen aur do adhikaariyon ko pashchim Bengal police traanjit remand par chaar din ke liye Kolkata le gayi hai. Sen company ke Chairman hain. Company par aarop hai ki usane hajaaron jamaakartaaon ke paise ke saath fraud kiya. Sen ko mangalvaar ko giraftaar kiya gaya tha. Unke saath director debajaani mukharji aur Arvind Singh chauhaan ko bhi giraftaar kiya gaya tha. Ye log Jharkhand mein company ka kaamkaaj dekhte the. In logon ko Jammu-Kashmir police ne sonamarg mein hiraasat mein liya tha, jiske baad maijistret ke saamane peshi ke baad inhein traanjit remand par saunp diya gaya. Is ghotaale ke saamane aane ke baad laakhon niveshak Kolkata mein sadkon par pradarshan kar rahe hain. Saikadon agent bhi naukri ganva chuke hain. Maamale ka pardaafaash tab huaa jab market regyuletar SEBI ne niyam todne waali chit fund companiyon par sakhti badhaai aur shaarada group par bhi preshar badha. Pashchim Bengal sarkaar ne maamale ki jaanch ke liye esaaaiti banaane ki ghoshana ki hai. Saath hi doosari chit fund companiyon ki jaanch ke liye bhi haai leval inakvaayari ki baat kahi hai. 'Chitfand ki nigraani raajyon ka jimma' Kolkata besd shaarada group ke kathit ghapale par kendra sarkaar ne kaha hai ki chitfand business ki dekharekh mein keind ki koi bhoomika naheen hai. Ise dekhna raajya sarkaaron ka hi kaam hai. Bhaarat mein ise chit fund aikt, 1982 ke tahat regyulet kiya jaata hai. Is kaanoon ke tahat chitfand ko sirf sambandhit raajya hi rajistar aur regyulet kar sakta hai. Yah baat kaurporet maamalon ke mantraalaya ke ek sootr ne bataai. Gaurtalab hai ki CM mamata ne kendra par is ghapale ke liye dosh madha hai, jabki mantraalaya ke sootron ka kehna hai ki is tarah ki nivesh skeemon mein kendra sarkaar ka koi rol hi naheen hota hai.