Chitfand Ghotaala Jaanch Ko Taiyaar Trinamool Saansad

India »

Chitfand Ghotaala Jaanch Ko Taiyaar Trinamool Saansad

Kolkata. . Trinamool kaanges ke Rajyasabha saansad kunaal ghosh ne somvaar ko kaha ki vah kisi bhi jaanch ka saamana karne ke liye taiyaar hain. Unhonne police se darakhvaast ki hai ki is maamale mein unki baat suni jaae. Gaurtalab hai ki ghotaale ke aaropon mein ghire shaarada group ke mukhiya sudeepto sen ne CBI ko kathit taur par likhi gayi chitthi mein kunaal ke khilaaf aarop lagaae hain. Isteefe ki peshakash ghosh ne kaha ki mere khilaaf saajish rachi gayi hai. Kunaal ne party pramukh mamata Bannerjee ko ek chitthi likhi hai, jise Trinamool kaanges ki website par upload kiya gaya hai. Is chitthi mein unhonne isteefe ki peshakash karte hue daava kiya hai ki vah shaarada ki vitteeya gatividhiyon se naheen jude the. 'Chitfand ke business se shaarada ka sarokaar naheen' ol India asosiyeshan of chit fands (seeefaeaai) ne shaarada gup ke ghotaale ko 'Chitfand' ghotaala kahe jaane par aapatti darj karaai hai. Seeefaeaai ke general sekretari ti. S. Shivraamaakrushnan ne somvaar ko kaha ki malteeleval maarketing ya paunji skeems ko kisi chitfand company ke asafal hone ke taur par jaahir kiya ja raha hai. Yah sahi naheen hai. Bakaul shivraamaakrushnan, shaarada gup ne realty bijnas ke alaava 160 se jyaada doosari vyaapaarik gatividhiyon ke liye rajistreshan karaaya hai, lekin inmein se ek bhi chitfand ke taur par rajistard naheen hai. Nae bill par vivaad sandigdh business aiktiviteej mein shaamil companiyon par lagaam kasane ke maksad se raajya sarkaar ki or se laae ja rahe special bill ko lekar vivaad shuroo ho gaya hai. Vipakshi leedar CPM ka daava hai ki yah bill kuchh vaisa hi hai, jaisa ki poorv ki left sarkaar mein paas karaaya gaya tha. Left ke mutaabik, aise mein puraane bill ko vaapas lekar naya bill laane ki jaroorat kyon hai.

Chitfand Ghotaala Jaanch Ko Taiyaar Trinamool Saansad https://www.angrejinews.com/pic/7118