Chit Fund Companiyon Ke Khilaaf Shuroo Hui Jaanch

Breaking »

Chit Fund Companiyon Ke Khilaaf Shuroo Hui Jaanch

nai Delhi. . Sarkaar ne bhole-bhaale niveshakon se chit fund yojanaaon ke jariye dhan jutaakar unhein thagane ke kathit maamalon ki vibhinn agencyon ke jariye jaanch karaae jaane ki ghoshana ki hai. Sarkaar ne kaha ki is tarah ki gatividhiyon mein shaamil companiyon ke khilaaf poonji baajaar niyaamak SEBI, reserve bank aur kaurporet kaarya mantraalaya tatha anya agencyan jaanch kar rahi hain. Vitt mantraalaya ke anusaar iske alaava aayakar vibhaag ne bhi shaarada group ki jaanch ka kaam shuroo kiya hai. Kolkata sthit is samooh ke pramukh sudeepto sen aur anya ke khilaaf pravartan nideshaalaya ne bhi mani laundring gatividhiyon mein shaamil rahane ke sandeh ka maamala darj kiya hai. Mantraalaya ne pashchim Bengal aur poorvi kshetr mein kathit taur par avaidh roop se chit fund companiyon dvaara dhan jutaae jaane ki jaanch sambandhi kadamon ka byaura dete hue kaha ki vibhinn keindreeya agencyon ne iski jaanch ke liye kadam uthaae hain. Pichhle kuchh dinon se is tarah ki media riportein lagaataar aane se is baare mein chinta badhi thi. In riporton mein desh ke poorvi raajyon mein khaaskar graameen aur chhote shahari ilaakon mein bhole-bhaale niveshakon se avaidh roop se dhan jutaakar kathit taur par unke saath dhokhaadhadi kiye jaane ki khabarein prakaashit hui hain.

Chit Fund Companiyon Ke Khilaaf Shuroo Hui Jaanch https://www.angrejinews.com/pic/6934