Chidambaram Ki Tamanna PM Banane Ki Naheen

India » Thursday, April 25, 2013

vishesh samvaadadaata . Nai Delhi vitt mantri pi. Chidambaram ka kehna hai ki unki tamanna pradhaanamantri banane ki naheen hai. Vah party ka kaam karna pasand kareinge. Yahaan ek program mein shirkat karne ke baad riportaron ne Chidambaram se poochha ki 2014 ke chunaav ke baad PM banane par vah kise apna vitt mantri banaana pasand kareinge? Is par Chidambaram ne kaha ki yah bada kaalpanik savaal hai. Meri aisi koi tamanna naheen hai. Aarthik sudhaar ke kadam : Chidambaram ne kaha ki UPA sarkaar agale do se chaar maheene ke dauraan aarthik sudhaar se jude aur kai kadam uthaaegi. Loksabha chunaav vakt se pehle hone ki sambhaavnaaon ko nakaarate hue unhonne kaha ki sarkaar ka lakshya chaaloo vitt varsh ke dauraan vitteeya ghaate ko GDP ke pariprekshya mein 4.8 pratishat tak seemit rakhane ka hai. Jeeesati laagoo hone ki poori sambhaavana : Jab Chidambaram se poochha gaya ki guds aind service tax (jeeesati) kab tak laagoo hone ki sambhaavana hai to unhonne kaha, maamale mein pragati ho rahi hai aur maujooda sarkaar ke baaki bache kaaryakaal mein isse jude bill ke paas hone ki 70 pratishat sambhaavana hai. Unhonne kaha, jeeesati paas karna mumkin hai, lekin aisa tabhi ho sakta hai jab kendra aur raajya sarkaarein ek saath aaen. Poori koshish ki ja rahi hai ki is maamale mein jald sahamati ban jaae. Vipakshi dalon se appeal : Vitt mantri ne kaha ki jeeesati ke alaava jameen adhigrahan aur beema sambandhi bill ko bhi vipakshi dalon ke sahayog ke bagair paas karaana mushkil hai. Main niji taur par mukhya vipakshi dal aur anya raajaneetik dalon se sahayog ki appeal karta hoon. Chidambaram ne yah bhi kaha ki sarkaar chaahati hai ki koyala aur sadak kshetr ke liye niyaamak bane. Unhonne kaha, ham chaahate hain ki rel kiraaya praadhikaar ho jo rel kiraaya tay kare. Hamein ummeed hai ki hamein paartiyon ka sahayog milega jiski badaulat ham ye sabhi kadam uthaane mein kaamayaab honge.