Chicago Ke Pravaasi Bhaarateeyon Ne Kejriwal Ki Party Ka Samarthan Kiya

World »

Chicago Ke Pravaasi Bhaarateeyon Ne Kejriwal Ki Party Ka Samarthan Kiya

Washington. . Chicago mein kareeb 20 shaharon ke pravaasi bhaarateeyon ne ek baithak aayojit kar saamaajik kaaryakarta Arvind Kejriwal ke netrutv waali aam aadmi party ki aguvaai mein chal rahe raajaneetik aandolan ke prati apna poorn samarthan vyakt kiya. America mein 18 May ko aayojit 'Aap' ke pehle sammelan mein Arvind kerajeevaal ke bhaarateeya-ameriki samarthakon ne kaha ki bhrashtaachaar-virodhi kaaryakarta ki aguvaai mein chal rahe raajaneetik aandolan mein pravaasi bhaarateeyon ki bhoomika behad mahatvapoorn hai. Aap America ke sadasya munish raayajaada dvaara sammelan mein rakhe gaye prastaav mein kaha gaya hai, 'Ham pravaasi bhaarateeya aur bhaarateeya mool ke log is raajaneetik aandolan ko lekar behad utsuk hain aur Bhaarat ki raajaneetik sanskruti ko badalne ki ichhuk aam aadmi party ka poora samarthan karte hain. ' prastaav mein kaha gaya hai, ek samudaaya ke taur par sarkaar se hamaari apni apekshaaen hain. Isliye yah aavashyak hai ki raajaneetik varg itihaas mein darj desh ke yash, samruddhi aur sabhyata ko fir se haasil karne ki jaroorat ko dhyaan mein rakhate hue desh ke saath nyaaya kare. Vafdiyo kaunfreinsing ke maadhyam se apne samarthakon ko sambodhit karte hue Arvind Kejriwal ne Bhaarat ke vikaas mein aap ki bhoomika ki charcha ki aur bataaya ki is kaam mein pravaasi bhaarateeya kya bhoomika ada kar sakte hain.

Chicago Ke Pravaasi Bhaarateeyon Ne Kejriwal Ki Party Ka Samarthan Kiya https://www.angrejinews.com/pic/9143