Chhote Bhaai Ne Bade Bhaai Aur Bhateejon Sahit 5 Ki Hatya Ki

Breaking »

Chhote Bhaai Ne Bade Bhaai Aur Bhateejon Sahit 5 Ki Hatya Ki

indrapaal kaushik . . Bulandashahar chhote bhaai ne apne bade bhaai aur 3 bhateejon ko goli maarkar hatya kar di. Beech-bachaav mein I padosi mahila ko bhi jaan se haath dhona pada. Ek anya mahila ki goli lagne se haalat gambhir bataai ja rahi hai. Police ne aaropi ko giraftaar kar uske kabje se hathiyaar baraamad kar liya hai. 5 logon ki jaan li goli maarane ki vajah khet se traiktar lekar jaana tha. Naresh apne bade bhaai 45 varsheeya nihaal Singh ke khet se traiktar nikaalne laga. Khet mein kaam kar rahe nihaal ne iska virodh kar gaali-galauj kar di. Isse vah gusse mein aagababoola ho gaya aur apni laaiseinsi rifle se nihaal Singh ke seene mein goli maar di. Goli ki aavaaj sunakar khet mein kaam kar rahe nihaal Singh ke beton Rahul aur baubi vaaradaat sthal ki or aae to naresh ne unki bhi goli maarkar hatya kar di. Iske baad usane nihaal Singh ke ghar par dhaava bol diya aur unke 8 varsheeya chhote bete raaja ko bhi goli maarkar hatya kar di. Goli ki aavaaj par ghar se nikli pados ki mahila anita aur bhaai ki saali raameshri ko bhi usane goli maar di. Anita ki mauke par hi maut ho gayi, jabki raameshri ki haalat gambhir hai. Parivaar mein naheen bacha koi purush nihaal Singh ki patni veeravati poore parivaar mein akeli bachi hai. Gaanv ke logon ne bataaya ki jab aaropi naresh ne uske chhote bete raaja ko goli maari to vah use bachaane bhaagi magar jab tak aaropi vaaradaat ko anjaam dekar bhaag gaya. Nihaal Singh ke bade bete Rahul ki sagaai 5 din pehle hui thi. Jald hi usaki shaadi hone waali thi. Ghar me shaadi ki taiyaariyaan chal rahi theen. Nihaal ke parivaar ko apanon ka kandha bhi naseeb naheen huaa. Isi chhote bhaai ko nihaal ne marne se bachaaya tha. Pita ki bachapan mein maut hone ke baad use padhaaya tha. Kai saal pehle nihaal aur naresh ke beech jameen ka bantavaara ho gaya tha, lekin donon bhaaiyon ne ek doosare ke khet mein jaane ke liye raasta naheen chhoda tha. SSP gulaab Singh ne bataaya ki aaropi naresh ne ek ke baad ek apne bade bhaai nihaal Singh samet paanch logon ki hatya kar di. Nihaal ki patni ne naresh ke khilaaf report darj karaai hai.

Chhote Bhaai Ne Bade Bhaai Aur Bhateejon Sahit 5 Ki Hatya Ki https://www.angrejinews.com/pic/8421