Chhedchhaad Se Rokane Par Chalti Train Se Feinka, Donon Haath Kate

Breaking »

Chhedchhaad Se Rokane Par Chalti Train Se Feinka, Donon Haath Kate

Trisoor (Kerala). . Chalti train mein mahila se chhedchhaad kar rahe yuvakon ko rokane ki keemat ek shakhs ko donon haathon ganvaakar chukaani padi. Nashe mein dhut yuvakon ne use train se baahar feink diya. Usaki jaan to bach gayi, lekin donon haath kat gaye. Budhvaar ko yah yuvak railway police ko behoshi ki haalat mein track ke kinaare pada mila tha. Uske donon haath kate hue the. Use turant najadeeki aspataal le jaaya gaya, jahaan usaki haalat abhi bhi gambhir bataai ja rahi hai. Police ke anusaar idukki jile ka rahane vaala yah yuvak maalaabaar express se meingaluru ke paas mookanbhika mandir ja raha tha. Isi train mein se use baahar feink diya gaya. Uske hosh mein aane ke baad hi poore ghatnaakram ka pata lag paaya. Yuvak ne police ko bataaya ki train mein kuchh yuvak ek mahila ko pareshaan kar rahe the. Usane jab mahila ki madad karne ki koshish ki, to chhedchhaad kar rahe logon ne use dhakka dekar train se baahar feink diya tha. Police ne bataaya ki mahila ke saath chhedchhaad karne vaale log nashe ki haalat mein the. Police ne abhi tak is maamale mein kisi ko arest naheen kiya hai.

Chhedchhaad Se Rokane Par Chalti Train Se Feinka, Donon Haath Kate https://www.angrejinews.com/pic/4425