Chhedchhaad Se Bachane Ke Liye Autorickshaw Se Koodi Ladki

Breaking »

Chhedchhaad Se Bachane Ke Liye Autorickshaw Se Koodi Ladki

Hyderabad: Hyderabad mein 22 varsheeya ek ladki us samay ghaayal ho gayi jab kathit taur par chhedchhaad se bachane ke liye vah autorickshaw se kood gayi. Police ke anusaar ladki ek share autorickshaw se ja rahi thi. Raaste mein ek sahayaatri ne uske saath chhedchhaad ka prayaas kiya. Saaibaraabaad police aayukt kaaryaalaya ke ek varishth police adhikaari ne bataaya ki ladki software engineer hai aur vah mangalvaar ki shaam kareeb saat bajkar 45 minute par share auto se ja rahi thi. Raaste mein teen chaar sahayaatri apne gantavya par utar gaye. Unhonne bataaya ki ladki ke paas baithe ek yaatri ne uske saath chhedchhaad ka prayaas kiya. Saath hi chaalak saamaanya sadak ke badle doosari disha mein auto le jaane laga. Adhikaari ne bataaya ki gadbadi ki aashanka ko dekhte hue ladki autorickshaw se kood gayi aur apne ek mitr ko iski jaankaari di. Mitr ne police ko iski soochana di. Ek raahageer ne bhi police ko khabar di aur use paas ke ek aspataal le gaya. Ladki ke sir mein chot I hai aur use ek kaurporet aspataal mein bharti karaaya gaya hai jahaan usaki haalat khatre se baahar hai. Police ne maamala darj kar liya hai aur aaropiyon ko pakadne ke liye prayaas tej kar diye hain.

Chhedchhaad Se Bachane Ke Liye Autorickshaw Se Koodi Ladki https://www.angrejinews.com/pic/2398