Chhedchhaad Ka Virodh Karne Par Baap-beti Ko Peeta

India »

Chhedchhaad Ka Virodh Karne Par Baap-beti Ko Peeta

kurukshetr. . Haryana ke yamunaanagar ki durga colony mein rahane waali ek chhaatra se rojaana ho rahi chhedchhaad ki ghatna ka uske pita ne virodh kiya to kai yuvakon kathit roop se ghar mein ghuskar uske saath maarapeet ki. Jaankaari ke mutaabik, jagaadhari kshetr ke naresh Kumar ne police mein report di hai ki kuchh yuvak usaki beti ke saath aksar chhedkhaani karte hain. Tang aakar jab usaki beti va usane virodh kiya to uske muhalle mein hi rahane vaale in yuvakon ne uske ghar mein ghuskar use va usaki ladki ko buri tarah se peeta. Shikaayat mein usane kaha hai ki mangalvaar raat ko jab yuvakon ne fir chhedchhaad ki to kahaasuni ke baad yuvakon ne uske ghar ka darvaaja tod diya aur donon ki pitaai ki. Jaanch adhikaari ne bataaya ki soochana milne par baap-beti ko suraksha dene ke saath-saath yuvakon ke khilaaf vibhinn dhaaraaon mein mukadama darj kiya gaya hai. Unhonne bataaya ki sabhi aaropi yuvak abhi faraar hain.

Chhedchhaad Ka Virodh Karne Par Baap-beti Ko Peeta https://www.angrejinews.com/pic/3713