Chhedchhaad Aur Police Ki Udaaseenata Se Tang Mahila Ne Kiya Aatmadaah

Breaking » Sunday, April 28, 2013

badaayoon. . Uttar pradesh ke badaayoon jile mein chhedchhaad ke aaropi par police dvaara nakel na kase jaane se dukhi hokar ek vidhva ne aatmadaah kar liya. Police sootron ne ravivaar ko bataaya ki jile ke kaadarachauk kshetr ke bhabhuiya gaanv ki rahane waali vidhva mahila reshama (28) apne maayake mein parachoon ki dukaan chalaakar gujaara kar rahi thi. Gaanv ka hi Rashid naamak dabang yuvak usase aksar chhedchhaad karta tha aur ek baar usane use jabaran apni motarasaaikal par le jaane ki koshish ki thi. Unhonne bataaya ki reshama ne iski shikaayat varishth police adheekshak se ki thi jinke aadesh par Rashid ke khilaaf maamala darj huaa tha. Aarop hai ki police ne maamala darj kiye jaane ke baavajood Rashid ke khilaaf koi kaarravaai naheen ki aur usaki harakatein jaari raheen. Reshama ne iski shikaayat raashtreeya mahila aayog, raashtreeya maanavaadhikaar aayog aur gruh vibhaag ke pramukh sachiv se bhi ki thi lekin kisi ne bhi koi kaarravaai naheen ki. Police ke gair jimmedaaraana ravaiye se dukhi hokar mahila ne shanivaar ko mitti ka tel chhidkakar apne aap ko aag ke havaale kar diya. Sootron ke mutaabik is ghatna mein reshama ki maut ho gayi. Uske do chhote bachche bhi hain.