Chhedchhaad Aur Maarapeet Mein Devar Aur Padosi Giraftaar

India »

Chhedchhaad Aur Maarapeet Mein Devar Aur Padosi Giraftaar

S . Hodal : Thaana police ne ek mahila sahit 4 logon ke khilaaf chhedchhaad, maarapeet aur jaan se maarane ki dhamaki dene ka maamala darj kiya hai. Police ne 2 aaropiyon ko giraftaar kar adaalat mein pesh kiya. Anya 2 aaropi abhi bhi police ki giraft se baahar hain. Jaankaari ke mutaabik, gaanv baansava ki neetoo ne police ko di gayi shikaayat mein bataaya ki usaka devar dinesh aur padosi natavar uske saath chhedchhaad kar rahe the. Aarop hai ki jab neetoo ne iski shikaayat apne pati naraveer aur apni saas foolavati se ki to unhonne unhein saja dene ke bajaay mahila ke saath hi maarapeet shuroo kar di aur jaan se maarane ki dhamaki di. Mahila ne bataaya ki ghatna ka pata chalne par uske parijan use maayake le aae. Police ne peedit mahila ke bayaan par mahila ke pati sahit saas, devar aur padosi ke khilaaf maamala darj kar liya hai. Is maamale mein police ne dinesh aur natavar ko giraftaar kar adaalat mein pesh kiya.

Chhedchhaad Aur Maarapeet Mein Devar Aur Padosi Giraftaar https://www.angrejinews.com/pic/4717