Chhedchhaad Aur Maarapeet Ke Do Aaropi Arest

India »

Chhedchhaad Aur Maarapeet Ke Do Aaropi Arest

enabeeti news . Hisaar jan sangathanon ke sadkon par utarane ke baad bhaanjiyon se chhedchhaad ka virodh karne waali mahila par hamla karne ke do aaropiyon ko aakhirkaar police ne somvaar ko giraftaar kar liya. Is maamale mein aadha darjan aaropi yuvakon ki police ko talaash hai. Sthaaneeya Krishna nagar nivaasi mahila rekha Yadav ki bhaanjiyon ke saath chhedchhaad karne ke do jin do aaropiyon ko police ne giraftaar kiya hai, ve naabaalig hain. Donon aaropiyon ke khilaaf police ne dhaara 294 aur 354 ke tahat case darj kiya hai. Shanivaar ko police ki taraf se case darj karne mein aanaakaani ke khilaaf janavaadi mahila samiti ne SP ke ghar ke baahar dharana kiya tha, jiske baad SP ne case darj karne aur aaropiyon ko turant arest karne ke nirdesh diya tha. Vaaradaat shanivaar shaam ko tab hui thi jab rekha Yadav apni do bhaanjiyon ke saath ja rahi thi. Kareeb saat-aath yuvakon ne unki ek bhaanji ke saath chhedchhaad shuroo kar di. Hisaar ke civil aspataal mein yashoda karmi ke roop mein kaaryarat Krishna nagar ki rekha shanivaar shaam ko rojaana ki tarah apni do bhaanjiyon ke saath ghar se nikli thi. Use aspataal jaana tha, jabki usaki ek bhaanji jo beetek kar rahi hai aur doosari jo 10 veen ki chhaatra ko khareedadaari karni thi. Jab ve market ke paas pahunchi to ek yuvak ne usaki badi bhaanji se chhedchhaad ki. Teen anya yuvak bhi paas hi khade the. Unke paas baaik thi. Chhedchhaad ka virodh karte hue rekha ne unke baaik ki chaabi nikaal li. Ek badmaash ne uske pet par laat maari aur rekha jameen par gir padi. Iske baad bhi rekha ne unki baaik ki chaabi naheen di. Hisaar ke SSP sateesh Balan ne kaha hai ki mahilaaon ke khilaaf hone vaale aparaadh ko rokane mein kisi prakaar ki kotaahi sahan naheen ki jaaegi. Unhonne kaha ki is prakaar ki koi samasya hone par mahilaaen 1091 number par phone karein. Unki madad ke liye police rider pahunch jaaenge.

Chhedchhaad Aur Maarapeet Ke Do Aaropi Arest https://www.angrejinews.com/pic/4142