Chhattisgarh Mukhabir Hone Ke Shak Mein Naksaliyon Ne Ki Graameen Ki Hatya

India »

Chhattisgarh Mukhabir Hone Ke Shak Mein Naksaliyon Ne Ki Graameen Ki Hatya

Raipur Chhattisgarh ke naksal prabhaavit kaanker jile mein naksaliyon ne mangalvaar raat ek graameen ki hatya kar di hai. Is ghatna ke baare mein jaankaari dete hue police adhikaariyon ne bataaya ki jile ke aamaabeda thaana kshetr ke antargat kaamata gaanv ke paas police ne suresh hupeindi (40) ka shav baraamad kiya hai. Adhikaariyon ke anusaar, shav ko kabje mein lekar use postmortem ke liye bheja gaya hai. Sthaaneeya adhikaariyon ne bataaya ki police ko jaankaari mili hai ki beeti raat naksaliyon ka ek dal hupeindi ke ghar mein ghusa or use apne saath le gaye. Baad mein hupeindi ka shav gaanv ke baahar baraamad kiya gaya. Unhonne bataaya ki ghatna ki jaankaari milne ke baad Budhvaar ko ghatnaasthal ke liye police dal ravaana kiya gaya hai aur shav ko postmortem ke liye bheja gaya. Naksaliyon ne lagaaya mukhabir hone ka aarop Police adhikaariyon ne bataaya ki police ko abhi tak hupeindi ki hatya ke kaaranon ke baare mein jaankaari naheen mili hai. Police ne ghatnaasthal se banner baraamad kiya hai jismein naksaliyon ne hupeindi par police mukhabir hone ka aarop lagaaya hai. Adhikaariyon ne kaha ki hupeindi ka police se koi sambandh naheen tha aur ghatna ke liye jimmedaar naksaliyon ki khoj shuroo kar di hai.

Chhattisgarh Mukhabir Hone Ke Shak Mein Naksaliyon Ne Ki Graameen Ki Hatya https://www.angrejinews.com/pic/246800