Chhaatraaen Parivaar Ke Dabaav Mein Padhaai Chhodne Ko Majaboor

Breaking »

Chhaatraaen Parivaar Ke Dabaav Mein Padhaai Chhodne Ko Majaboor

Surendr Kumar jeend. . Ek taraf to pradesh sarkaar aarateei act laagoo kar sabko shiksha dene ke bade-bade daave kar rahi hai lekin doosari taraf graameen kshetron mein senior saikeindari schoolon ki vyavastha naheen hone ke kaaran har varsh sainkadon vidyaarthi padhaai chhodane ko majaboor ho rahe hain. School chhodne vaale vidyaarthiyon mein sabse jyaada sankhya chhaatraaon ki hoti hai. Kyonki graameen kshetr ke log aaj ke badalate maahaul ko dekhte hue padhaai ke liye ladkiyon ko shaharon mein bhejane se hichkichaate hain. Lagbhag pichhle ek dashak se theek isi tarah ki pareshaani khel gaanv nidaani va padaana gaanv ke vidyaarthiyon ke saamane aa rahi hai. In gaanvon mein sarkaari senior saikeindari school naheen hone ke chalte har varsh sainkadon chhaatraaen padhaai chhodkar ghar baithane ko majaboor hain. Haalaanki nidaani gaanv ki panchaayat aur yuva sangathan gaanv ke uchch vidyaalaya ko apagred karavaane ki maang ko lekar kai baar jila prashaasan, shiksha mantri se lekar mukhyamantri tak ko gyaapan day chuki hain lekin aaj tak unki is maang par sarkaari mohar naheen lag paai hai. Is varsh bhi gaanv ke school ka darj naheen badhaae jaane ke kaaran donon gaanv ki sainkadon chhaatraaen parivaar ke dabaav mein padhaai chhodne ko majaboor hain. Khelon ke kshetr mein raashtreeya va antarraashtreeya star khyaati praapt karne vaale khel gaanv nidaani ke vidyaarthiyon ke bhavishya par sarkaar ki anadekhi ka grahan lag chuka hai. Nidaani gaanv ke vidyaarthiyon ke paas shiksha grahan karne ke liye gaanv mein sirf 10veen tak ka ek sarkaari school hai. Nidaani ke saath-saath padaana gaanv ke vidyaarthi bhi isi school mein shiksha grahan karne ke liye aate hain. Gaanv mein 12veen tak ka school naheen hone ke kaaran vidyaarthiyon ko aage ki padhaai ke liye kaafi jaddojahad karni padti hai. 11veen va 12veen ki padhaai ke liye in gaanvon ke vidyaarthiyon ko shahar ka rukh karna padta hai. Pichhle ek dashak se graameen is school ke apagred ki ummeed lagaae baithe hain lekin graameenon ki is ummeed par sarkaar ki anadekhi ki dhool jam chuki hai. Graameen school ka darja badhvaane ke liye jila prashaasan, shiksha mantri va mu ? Yamantri se bhi kai baar guhaar laga chuke hain lekin yahaan se unhein sivaae kore aashvaasanon ke kuchh haasil naheen hota hai. Gaanv mein 12veen tak ka school naheen hone ke kaaran har varsh sainkadon vidyaarthi padhaai chhodne ko vivsh ho rahe hain. School chhaadne vaale vidyaarthiyon mein sabse jyaada sankhya chhaatraaon ki hoti hai. Kyonki 11veen va 12veen ki padhaai ke liye ladke to jaise-taise kar shahar mein daakhila le lete hain lekin chhaatraaen padhaai ke liye shahar ki taraf apne kadam naheen badha paati hain.

Chhaatraaen Parivaar Ke Dabaav Mein Padhaai Chhodne Ko Majaboor https://www.angrejinews.com/pic/5866