Chennai Test Laya Mein Laute Sachin, Bane Bhaarat Ki Deevaar

Cricket » Saturday, February 23, 2013

Chennai: Beete kaafi samay se sachin Tendulkar apne rang mein naheen dikh rahe the aur aalochak unki aalochna ka koi mauka naheen ganva rahe the. Kabhi unhein sannyaas ki salaah di jaati thi, to kabhi ballebaaji ko lekar naseehat, lekin sthaaneeya emae Chidambaram stadium mein Australia ke khilaaf jaari pehle test match ke doosare din shanivaar ko jaise hi master blaastar maidaan par utare to unke pehle hi shot ne unke iraadon ko jaahir kar diya. Unka khel dekhkar bilkul bhi aisa naheen lag raha tha ki ve kisi Australiaee geindabaaj se khaufajada hain. Donon salaami ballebaaj veerendr Sehwag aur murali vijay ke out hone ke baad cheteshvar pujaara aur sachin ne jis tarah ka khel dikhaaya vah kaabiletaareef hai. Pujaara ne sachin ka bakhoobi saath nibhaaya aur sachin ek chhor par deevaar ki bhaanti date rahe. Khel ki samaapti tak vah 71 aur viraat Kohli 50 ranon par naabaad laute. Khel ki samaapti tak Bhaarat ne teen wicket ke nuksaan par 182 run bana liye hain. Bhaarateeya team ko Australia ke pehli paari ke kul yog ki baraabari karne ke liye ab bhi 198 ranon ki jaroorat hai. Sehwag aur vijay ki salaami jodi bhaarateeya paari ko achhi shuruaat naheen day saki aur donon saste mein pavilion laut gaye. Bhaarat ko 11 ranon ke kul yog par murali vijay ke roop mein pehla jhatka laga. Vah 10 run banaakar James paitinsan ki geind par bold ho gaye. Kul yog mein abhi ek hi run juda tha ki paitinsan ne Sehwag ko bhi bold kar diya. Unhonne do ranon ka yogadaan diya. Iske baad ballebaaji karne aae pujaara aur sachin ne team ke liye 93 ranon ki mahatvapoorn saajhedaari ki. Donon ne team ko shuruaati jhatakon se ubaarate hue dabaav se baahar nikaala. Chaayakaal tak bhaarateeya team ka kul yog do wicket par 84 run tha. Chaayakaal se vaapas lautane ke baad paitinsan ne pujaara ke roop mein bhaarateeya team ka teesara wicket chataka diya. Unke out hone ke baad aisa lag raha tha ki din ke khel ki samaapti tak Australiaee team Bhaarat ke kuchh aur wicket chatakaane mein safal ho jaaegi, lekin Kohli ne virodhi team ke mansoobon par paani fer diya. Sachin aur Kohli ke beech ab tak 77 ranon ki saajhedaari ho chuki hai. Sachin ne apni paari mein ab tak 128 geind khelkar chhah chauke lagaae hain, jabki viraat Kohli ke arddhashatak mein saat chauke shaamil hain. Australia ke liye teenon safalta haasil karne vaale tej geindabaaj paitinsan ke alaava koi bhi anya geindabaaj prabhaavi pradarshan naheen kar saka. Isse pehle, kaptaan Michael Clark (130) ki shaanadaar paari ki badaulat Australiaee cricket team apni pehli paari mein 380 run banaane mein safal rahi. Kal ke naabaad laute ballebaaj Michael Clark (103) aur Peter sidl (1) ne aaj din ke khel ki shuruaat ki. Donon ballebaajon ne bhaarateeya geindabaaji ka datakar saamana karna shuroo kiya, lekin 361 ke kul yog par Clark spin geindabaaj raveendr jadeja ki geind par bhuvaneshvar Kumar ko catch day baithe. Iske kuchh der baad sidl bhi 19 run banaakar Harbhajan Singh ki geind par catch out ho gaye. Nathan layon ke roop mein Australia ka aakhiri wicket gira. Vah teen run banaakar Ashwin ka saatavaan shikaar bane. Paitinsan 15 ranon par naabaad laute. Bhaarat ki or se Ravichandran Ashwin ne 103 run dekar saat wicket jhatke, jabki jadeja ko do aur Harbhajan Singh ko ek safalta mili. Ullekhaneeya hai ki Australia ne pehle din ke khel ki samaapti tak saat wicket ke nuksaan par 316 run banaae the. Ed Cowan (29), David vaarnar (59), Phillip huge (6), Shane Watson (28), Matthew wed (12), moesis Henricks (68), Michelle stars teen run banaakar out hue the.