Chennai Tat Se 800 Kilometer Door Hai Chakravaati Toofaan Mahaasen

Breaking »

Chennai Tat Se 800 Kilometer Door Hai Chakravaati Toofaan Mahaasen

Chennai. . Chennai sthit mausam kaaryaalaya ko upagrah se mile baadalon ki naveenatam tasveerein yah darshaati hain ki chakravaati toofaan mahaasen chennai tat se kareeb 850 kilometer dakshin-poorv disha mein Bengal ki khaadi mein sthit hai. Mausam adhikaariyon ne kaha, 'Yah toofaan shaam saat baje se aagaami 36 ghante tak pashchimottar disha mein aage badhega aur uske baad poorvottar disha ki or Bangladesh-myaanmaar tat ki or mud jaaega. ' pehle 36 ghante ke poorvaanumaan ke anusaar Tamil Nadu, puducheri, tatavarti Andhra pradesh aur dakshin aantarik Karnataka mein kuchh sthaanon par baarish ya garaj chamak ke chheente pad sakte hain. Kerala, raayalaseema, tatavarti Karnataka aur lakshadveep mein kaheen kaheen baarish ya garaj chamak ke saath chheentein pad sakte hain jabki telangaana aur uttar aantarik Karnataka mein mausam shushk rahega. Chennai shahar mein aasmaan mein aanshik baadal chhaae raheinge jabki kuchh kshetron mein baarish ya garaj chamak ke saath chheente pad sakte hain.

Chennai Tat Se 800 Kilometer Door Hai Chakravaati Toofaan Mahaasen https://www.angrejinews.com/pic/8411