Chennai Superkings Ke CEO Mayappan Ko Police Ke Samaksh Pesh Hone Ke Liye Saman Jaari

Cricket »

Chennai Superkings Ke CEO Mayappan Ko Police Ke Samaksh Pesh Hone Ke Liye Saman Jaari

chennai. . Chennai super kings ke CEO gurunaath mayappan ko IPL fixing maamale mein shukravaar ko crime branch ke samaksh pesh hone ko kaha gaya hai. Mumbai police ne guruvaar ko yah jaankaari di. Mumbai crime branch ke do adhikaariyon ne mayappan ko is sambandh mein unke bot club sthit aavaas mein unke sachiv ke jariye saman bhi diye hain. Fixing mein arest baulivud abhineta vindoo randhaava kathit taur mayappan ke sampark mein tha. Isi silsile mein police unase poochhataachh karna chaahati hai. Crime branch ke jauint commissioner himaanshu rai ne Mumbai mein kaha ki BCCI adhyaksh N. Shreenivaasan ke daamaad mayappan ko Mumbai crime branch ke samaksh subah 11 baje se shaam paanch baje ke beech pesh hone ko kaha gaya hai. Mayappan kahaan hai ise lekar rahasya bana huaa hai. Unhein lekar tarah-tarah ke daave kiye ja rahe hain. Kuchh khabaron mein kaha gaya hai ki vah Kolkata ke liye ravaana ho chuke hain. Vaheen yah bhi kaha ja raha hai ki vah chennai super kings aur Mumbai Indians ke beech mangalvaar ko Delhi mein pehla kvaulifaayar dekhne ke baad vaheen ruk gaye. Kuchh khabaron mein kaha gaya hai ki vah pehle hi Mumbai pahunch chuke hain. Police ke mutaabik IPL sattebaaji maamale mein arest vindoo ke call record se sanket mila hai ki usane chennai mein kai call kiye aur unamein se kuchh mayappan ko kiye gaye the. Jaanch se jude ek adhikaari ne kaha, 'Vindoo ne mayappan ko kai kaal kiye. Ham yah jaanane ke liye us shakhs se poochhataachh kar sakte hain ki use itne call kyon kiye gaye the. ' vindoo ko satoriyon se kathit taallukaat ke kaaran arest kiya gaya. Usane kabool kiya ki do satoriyon pavan aur sanjaya ko 17 May ko dubai bhagaane mein madad ki thi.

Chennai Superkings Ke CEO Mayappan Ko Police Ke Samaksh Pesh Hone Ke Liye Saman Jaari https://www.angrejinews.com/pic/9478