Chennai Super Kings Ke Khilaaf Kheleinge Shikhar Dhavan

Cricket » Thursday, April 25, 2013

Chennai. . Sunrisers Hyderabad ke liye yah match bahut khaas hone vaala hai. Team ko jis ghadi ka intajaar tha vah aa gayi hai. Dhuaandhaar ballebaaj shikhar dhavan chennai ke M A Chidambaram stadium mein chennai Superkings ke khilaaf kheleinge. 'Gabbar' ke naam se mashahoor shikhar ne team India ki taraf se apne debyoo test mein sabse tej shatak banaaya tha. Guruvaar shaam ko vah chennai Superkings ke khilaaf IPL ke is season ka pehla match kheleinge. Padhein: Kaisi taiyaari hai Hyderabad sunrisers ki jaahir hai dhavan ki team mein vaapasi se sunrisers ka hausala kaafi badh jaaega. Abatak geindabaajon ke dam par 7 mein se 5 mukaabale jeetkar pauints table mein teesare sthaan par barkaraar sunrisers ko ab ballebaajon se bhi yogadaan ki ummeed jag gayi hai. Gaurtalab hai ki sunrisers ki team batting frant par kamjor rahi hai. Lekin ab team ki ummeedon ko dhavan ki vaapasi se bal milega. Team ke mentor shreekaant ne bataaya ki team ke liye yah bahut achhi khabar hai ki shikhar dhavan vaapas aa chuke hain aur ve aaj shaam ka mukaabala khelne ko poori tarah se taiyaar hain. Unhonne kaha ki dhavan kaafi pratibhaavaan khilaadi hain aur unke aane se team ki ballebaaji ko majabooti milegi. Gaurtalab hai ki Australia ke khilaaf test series mein chotil ho jaane ke kaaran shikhar dhavan aakhiri test mukaabala naheen khel sake the aur maidaan se door the, lekin ab ve poori tarah se fit hain.