Chennai Mein Apna 100vaan Test Kheleinge Harbhajan

Cricket »

Chennai Mein Apna 100vaan Test Kheleinge Harbhajan

Chennai: Bhaarateeya spin geindabaaj Harbhajan Singh chennai mein Australia ke khilaaf shukravaar ko khele jaane vaale match mein jis vakt maidaan par utareinge to unke cricket career mein ek aur upalabdhi jud jaaegi. Daraasal, yah Harbhajan ka 100vaan test match hoga aur vah is upalabdhi ko haasil karne vaale 10vein bhaarateeya khilaadi ban jaaenge. Match ki poorv sandhya par of spinner ke antim 11 mein shaamil hone ki pushti bhi kar di gayi. Website 'Cricinfo dot com' ne Harbhajan Singh ke havaale se bataaya, "Yah ek bada match hai. Main 99 match khel chuka hoon. Nishchit taur par main thodi ghabaraahat mahasoos kar raha hoon lekin main is baat ko lekar aashvast hoon ki main saamaanya rahoonga. Main ab se pehle bhi is tarah ki paristhitiyon ka saamana kar chuka hoon. " Unhonne kaha, "Main career ke un daur se gujara chuka hoon, jab main achha pradarshan naheen kar raha tha aur jab main achha pradarshan kar raha tha. Yah sab chalta rahata hai. Shuruaat mein thodi ghabaraahat jaroor ho sakti hai, lekin baad mein sab theek ho jaaega. " Harbhajan ne abhi tak 99 test maichon mein 32.27 ki ausat se 408 wicket haasil kiye hain. Varsh 2011 mein Bhaarat ke niraashaajanak England daure ke baad se unhonne ek test match khela hai. Vah haal hi mein mumbai mein England ke khilaaf khele the. England ne is mein match 10 wicket se shaanadaar jeet darj ki thi.

Chennai Mein Apna 100vaan Test Kheleinge Harbhajan https://www.angrejinews.com/pic/2492