Chennai Ke Khilaaf Bengaluru Ke Liye Karo Ya Maro Ka Mukaabala

Cricket »

Chennai Ke Khilaaf Bengaluru Ke Liye Karo Ya Maro Ka Mukaabala

Bengaluru. . Royal Challengers Bengaluru ko IPL ke playoff mein jagah banaane ke liye do baar ke champion chennai super kings ko shanivaar ko har haalat mein haraana hoga. Pichhle match mein kings eleven Punjab ke khilaaf saat wicket se Bengaluru ki haar se chennai, Mumbai aur Rajasthan Royals ne playoff mein jagah pakki kar li. In teenon teemon ke 20 se adhik ank ho gaye jisse chauthe sthaan ke liye mukaabala Bengaluru, sunrisers Hyderabad aur kings eleven Punjab ke beech khula hai. Delhi Daredevils par jeet ke saath Punjab ke 14 ank ho gaye hain aur vah Bengaluru aur Hyderabad se do ank peechhe hai. Punjab ko Mumbai se 18 May ko khelna hai aur usaki najarein bhi 16 ank par hogi. Bengaluru ko 18 ank lene ke liye chennai ko har haalat mein haraana hoga lekin isse bhi playoff mein usaki jagah pakki naheen hogi. Iske liye use yah duaa bhi karni hogi ki Hyderabad aur Punjab baaki match haar jaae. Vaise is satr ka aakhiri league match khel rahi Bengaluru ke liye chennai ko haraana aasaan naheen hoga, jisne 15 mein se sirf chaar match ganvaae hain. Chennai ke paas khone ke liye kuchh naheen hai lihaaja vah jeet ke saath playoff mein jaana chaahega. Donon teemein pichhli baar 13 April ko bhidi theen jab chennai ne Bengaluru ko chaar wicket se haraaya tha.

Chennai Ke Khilaaf Bengaluru Ke Liye Karo Ya Maro Ka Mukaabala https://www.angrejinews.com/pic/8894