Chennai Imaarat Haadasa 60 Ghante Baad Malabe Se Nikle Teen Jinda Log

Breaking » Tuesday, July 1, 2014

Chennai: chennai mein shanivaar shaam ko giri imaarat ke malabe se aaj teen logon ko jinda nikaala gaya. Ye sabhi log pichhle 60 ghante se malabe ke andar dabe hue the. is haadase mein marnewaalon ki sankhya bhi badakar 28 tak pahunch gayi hai jabki 18 logon ke ab bhi malabe ke andar dabe hone ki aashanka hai. Bachaav kaarya mein jute logon ka kehna hai ki unhein ab bhi malabe ke andar se kuchh aavaajein sunaai de rahi hain aur ummeed jataai ja rahi hai ki kuchh aur logon ko bachaane mein unhein kaamayaabi milegi. 28 June ko 11 manjila nirmaanaadheen imaarat dhah gayi thi. Is maamale mein kai logon ko pehle hi giraftaar kiya ja chuka hai.