Cheeniyon Ko Khadedo, Yuddh Hota Hai To Ho Jaae Mulaayam

Breaking »

Cheeniyon Ko Khadedo, Yuddh Hota Hai To Ho Jaae Mulaayam

nai Delhi. . Laddakh mein cheeni sainikon ki ghuspaith ke mudde par somvaar ko sansad mein maahaul garm ho gaya. Samaajavaadi party adhyaksh mulaayam Singh is mudde par kendra sarkaar par bifr pade. Mulaayam ne cheen ko Bhaarat ka dushman number van bataate hue kaha ki cheeni sainikon ko Laddakh se turant khadeda jaana chaahiye. Unhonne pradhaanamantri Manmohan Singh se dheele ravaiye par javaab maangate hue poochha ki sarkaar itna dar kyon rahi hai? Mulaayam Singh ke saath vipaksh ke doosare saansadon ne bhi is mudde par sarkaar se kadaai se kadam uthaane ki maang ki. Sarkaar dar kyon rahi hai? : Loksabha mein shoonyakaal mein cheeni ghuspaith ka mudda uthaate hue mulaayam ke tevar behad sakht the. Is ghatna par behad tamatamaae hue dikh rahe mulaayam ne kaha ki aaj hamaara sabse bada dushman Pakistan naheen cheen hai. Unhonne savaal uthaaya ki sarkaar Laddakh se cheen ke sainikon ko baahar nikaalne se itna dar kyon rahi hai? Unhonne kaha, 'Ham pichhle aath saal se chetaavani dete aa rahe hain ki cheen ne hamaare kshetr par kabja jamaana shuroo kar diya hai lekin sarkaar ne is par koi dhyaan naheen diya. ' (blog padhein: Cheen draigan; ham myaaoon karne vaale tiger)yuddh hota hai to ho jaae: Samaajavaadi party ke supreemo ne kaha ki cheen ke sainikon ko tatkaal Laddakh se khaded diya jaana chaahiye. Unhonne kaha ki agar isse cheen ke saath yuddh hota hai ho to ho jaae. Hamaari senaaen bhi kamjor naheen hain. Unhonne kaha ki bhaarateeya sena kah rahi hai ki vah sabhi ghuspaithiyon ko khadedne ko taiyaar hai lekin koi kaarravaai naheen ho rahi hai. Mulaayam ne videsh mantri Salman khursheed ke cheen daure ko bhi fijool karaar diya. Isse pehle Loksabha ki kaaryavaahi shuroo hote hi samaajavaadi party ke sadasyon ne cheeni ghuspaith ke mudde ko uthaate hue khoob hangaama kiya. Ve aasan ke sameep aa gaye. SP ke sadasyon ka kehna tha ki cheen dheere-dheere Bhaarat ke ilaakon par kabja kar raha hai. Koyala ghotaale par bhi hangaamaa: Sansad mein cheeni ghuspaith ke alaava koyala ghotaale par bhi khoob hangaama huaa. Sadan mein 'Poori Congress kaali' hai jaise naare goonjate rahe. Pradhaanamantri ke isteefe ki maang aur alag telangaana raajya ke gathan ke mudde par sadasyon ke bhaari hangaame ke kaaran Loksabha ki kaaryavaahi shuroo hone ke kuchh hi der baar dopahar 12 baje tak sthagit kar di gayi. Subah sadan ki kaaryavaahi shuroo hote hi BJP sadasya koyala blauk aavantan mudde par naarebaaji karte hue adhyaksh ke aasan ke sameep aa gaye. BJP sadasya is vishay par pradhaanamantri Manmohan Singh ke isteefe ki maang kar rahe the. Telangaana kshetr ke Congress sadasya bhi alag raajya ke gathan ka mudda utha rahe the. Unke haathon mein takhtiyaan theen jis par likha tha, 'Telangaana vidheyak pesh karo', 'UPA sarkaar apna vaayada poora kare.

Cheeniyon Ko Khadedo, Yuddh Hota Hai To Ho Jaae Mulaayam https://www.angrejinews.com/pic/7096