Cheeni Masale Par Agal-alag Pratikriya

India »

Cheeni Masale Par Agal-alag Pratikriya

enabeeti news . Modeenagar : Cheeni ki bikri se sarkaari niyantran utha liye jaane aur levi khatm kiye jaane par sthaaneeya vyaapaariyon ne alag-alag pratikriya di hai. Kuchh logon ka kehna hai ki isse UP mein cheeni mil maalikon ka khaasi raahat milegi, vaheen maana ja raha hai ki iska seedha asar upabhoktaaon ki jeb par padega. Samaaj sevi vinod Kumar maaheshvari ka kehna hai sarkaar kisi bhi udyog ko raahat deti hai to yah achhi baat hai lekin usaka asar upabhokta ki jeb par naheen padna chaahiye. Abhi tak sarkaar khapat ke anusaar cheeni ka kota release karti thi, ab koi niyantran naheen rahane se cheeni ka baajaar kaarobaariyon ke haath mein rahega. Yahaan ke ek vyavasaayik sansthaan ke prejideint Avinash sharma aur emaem degree college ke prafesar Dr. Vinaya tyaagi ka kehna hai ki sarkaar ne to cheeni milon ko apni or se raahat day di, lekin upabhoktaaon ke hiton ka khyaal rakhana mil maalikon ki jimmedaari banti hai. Udhar, UP shugar mil asosiyeshan ke sekretri shyaam laal gupta ne sarkaar ke is kadam ki saraahana ki hai.

Cheeni Masale Par Agal-alag Pratikriya https://www.angrejinews.com/pic/4622