Cheeni Ghuspaith Maana Cheen Lekin Bhaarat Ko Bhi Hatna Pada Peechhe

India »

Cheeni Ghuspaith Maana Cheen Lekin Bhaarat Ko Bhi Hatna Pada Peechhe

nai Delhi. . Kai dinon ki mashakkat ke baad aakhirkaar Bhaarat aur cheen ke beech Laddakh ke daulat beg oldi sector mein chal rahe tanaav ko door karne mein ravivaar ko us vakt safalta mili jab cheen yahaan se apni senaaen hataane ko taiyaar ho gaya. Bhaarat aur cheen ki senaaen is face of point se ek saath peechhe hatne ko raaji ho gayi hain. Donon taraf se ravivaar ko raajanayik star par hui kadi baatcheet ke baad yah samjhauta huaa hai. Sootron ke mutaabik daulat beg sector se bhaarateeya aur cheeni senaaen ravivaar shaam saadhe saat baje hat gain. Peechhe hatne se pehle bhaarateeya aur cheeni senaaon ke sthaaneeya star ke commanderon ne haath bhi milaae. Haalaanki abhi yah saaf naheen huaa hai ki cheeni senaaen vaapas usi jagah chali gayi hain, jahaan ve 15 April se pehle theen. Gaurtalab hai ki poorvi Laddakh sthit depasaang ghaati mein line of ekchual control ke paas 15 April ko chauki sthaapit karne ke baad se cheen kada rukh jaari rakhate hue apne sainikon ko peechhe naheen hataane par ada tha. Cheen ki peepal liberation army ke sainikon ne bhaarateeya seema ke bheetar 19 kilometer tak ghuspaith kar li thi. In sainikon ki sankhya kareeb 50 thi jinke saath gaadiyaan aur khoonkhaar kutte bhi the. Cheen ne yahaan paanch teint bhi gaad liye the. Bhaarateeya sena ne bhi cheeni teinton se 300 meter door chauki sthaapit kar li thi. Masale ko sulajhaane ke liye donon deshon ke beech kai flaig meeting ho chuki theen. Shanivaar ko hui chauthi flaig meeting bhi benateeja rahi thi. Lagaataar chal rahe is tanaav ki vajah se videsh mantri Salman khursheed ka 9 May ko tay cheen ka daura khataai mein padta dikh raha tha. Khursheed 20 May se prastaavit cheen ke nae pradhaanamantri ke Bhaarat daure ke maddenajar vahaan ja rahe hain. Khursheed ne 3 May ko Iran jaate vakt kaha tha ki cheen se chal raha vivaad khatm karne ko chal rahi baatcheet mein kuchh thos naheen nikal paaya hai. Is maamale mein cheen lagaataar yah kehta aa raha tha ki vah apni seema mein hi hai aur usane bhaarateeya ilaake mein jara bhi ghuspaith naheen ki hai. Balki usane Bhaarat ko hi naseehat day daali thi ki line of ekchual control par ab tak jo samjhaute hue hain, vah unka sammaan kare. Raajanayik sootron ke mutaabik cheen Laddakh ke poorvi ilaake mein pichhle kuchh varshon mein Bhaarat ki or se banaai gayi kuchh nai dhaanchaagat suvidhaaon aur agrim chaukiyon ko hataane ki maang kar raha hai. Gaurtalab hai ki poorvi Laddakh ke nyoma aur fukache mein ek havaai patti banaane ke baad bhaarateeya vaayusena ne daulat beg oldi mein bhi ek havaai patti banaai hai, jahaan se AN-32 jaise parivhan vimaan utaare ja sakte hain. Iske alaava bhaarateeya sena ne is ilaake mein kai agrim sainya chaukiyaan bhi banaai hain jo bhaarateeya ilaake mein hai lekin cheen ko yah pasand naheen aa raha hai.

Cheeni Ghuspaith Maana Cheen Lekin Bhaarat Ko Bhi Hatna Pada Peechhe https://www.angrejinews.com/pic/7806