Cheeni Ghuspaith Ko Tool Naheen Dena Chaahate PM

Breaking »

Cheeni Ghuspaith Ko Tool Naheen Dena Chaahate PM

Nai Delhi. . Cheeni sena bhale hi bhaarateeya seema mein 19 kilometer bheetar tak ghuspaith kar chuki hai, lekin pradhaanamantri Manmohan Singh ka kehna hai ki Bhaarat ise tool naheen dena chaahata hai. Unhonne kaha ki ise sulajhaane ki yojana par kaam ho raha hai. Raashtrapati bhavan mein aayojit raksha alankaran samaaroh ke baad samvaadadaataaon se baatcheet ke dauraan pradhaanamantri ne kaha, 'Hamaare paas yojana hai. Ham sthiti ko tool naheen dena chaahate. Ham is baat mein yakeen rakhate hain ki samasya ko sulajhaaya ja sakta hai. Baatcheet jaari hai, yah ek sthaan tak seemati samasya hai. ' cheen ke sainikon ki palatan ke aakaar waali ek tukadi ne 15 April ko laddhaakh mein 19 kilometer bheetar ghuskar daulat beg oldi ke bhurathe ilaake mein shivir bana liya hai. Kareeb 16 hajaar 300 feet ki oonchaai vaale is behad durgam ilaake mein pichhle 25 saalon mein pehli baar itne tanaavapoorn haalaat bane hain. Sena ne sarkaar ko haalaat ke baare mein jaankaari di hai. Sthiti se nipatne ke liye sena ne sarkaar ko sena ke aakraamak istemaal samet kai vikalp bhi sujhaae hain. Raashtreeya suraksha salaahakaar ke tahat kaam karne vaala cheen adhyayan samooh sujhaae gaye sabhi vikalpon ka adhyayan kar raha hai. Bhaarateeya sena ne 5 Laddakh skauuts battalion se apni sena ko daulat beg oldi kshetr bheja hai aur ve vahaan shivir laga kar rah rahe hain. Aavashyakta padne par atirikt sainikon ko bhejane par bhi vichaar huaa hai.

Cheeni Ghuspaith Ko Tool Naheen Dena Chaahate PM https://www.angrejinews.com/pic/6933