Cheeni Companiyon Ki Badhegi Mithaas
Business » Tuesday, April 9, 2013
sooraj saaukaar Mumbai. . Shugar sector par sarkaar ne apna control kuchh kam kiya hai. Is sector ki companiyon ko laung tarm mein isse kaafi faayda hoga. Sarkaar ne yah kadam aise vakt mein uthaaya hai, jab shugar companiyaan ganne ki jyaada keemat se pareshaan hain. Vaheen, cheeni ke daam bhi flat hain. Agar sarkaar rangaraajan committee ki jyaadaatar sifaarishein maan leti, to shugar sector ko kaheen jyaada faayda hota. Iteeaaiji ki enaalisis ke mutaabik, sarkaar ke shugar sector par control kam karne se Bajaj Hindustan, balaraamapur cheeni mils aur shri Renuka shugars ke tax se pehle praufit mein kramash: 130 karod, 100 karod aur 80 karod rupae ka ijaafa hoga. Deekantrol ke tahat sarkaar ne levi system khatm kar diya hai. Teenon companiyon ke tax se pehle praufit ke baare mein yah anumaan pichhle saal ke production ke aadhaar par lagaaya gaya hai. Is vajah se neeyar tarm mein shugar companiyon ke share ki keemat badh sakti hai. Levi system ke tahat milon ko apne production ka 10 feesadi hissa 19.1 rupae kilo ke bhaav par sarkaar ko bechana padta tha. Vaheen, market mein cheeni ki keemat 34 rupae kilo hai. Isse milon ke munaafe mein seindh lagti thi. Saplaai maikenijm ko khatm karne se bhi milon ko faayda hoga. Har mil ko abhi market mein tay maatra mein cheeni bechani padti hai. Iske khatm hone se milon ko product ki achhi keemat mil paaegi. Companiyaan ab jyaada cheeni tab bech paaengi, jab unhein usaki achhi keemat milegi. Rangaraajan committee ne revenyoo sheyaring maikenijm ka prapojal diya tha. Ise raajya sarkaaron par chhod diya gaya hai. Is faurmoole ke tahat milon ko cheeni aur baayaprodakts ka 70 feesadi revenyoo raajya sarkaaron aur kisaanon se share karna tha. Isse cheeni companiyon ke praufit mein jyaada utaar-chadhaav ki mushkil khatm ho jaati. Cheeni ka daam kam hone par usaka bojh companiyaan aur kisaan uthaate. October 2012 se September 2013 ke kareint shugar iyar mein ganne ki jyaada kaust ke chalte milon ke munaafe par asar padega. Iske alaava is saal cheeni ka production ummeed se jyaada rahane ki ummeed hai. Isse cheeni ke daam par preshar bana huaa hai. 31 March 2013 tak shugar production 2.3 karod tan raha. Is season ke khatm hone tak production 2.4 karod tan pahunchane ki ummeed hai. Sarkaar ne iske liye shuruaati anumaan 2.3 karod tan ka lagaaya tha. Is vajah se cheeni ki keemat abhi 34 rupae kilo ho gayi hai, jo December 2012 mein 37 rupae kilo thi. Haalaanki, aage chalakar cheeni ke daam mein giraavat aane ke aasaar naheen hain. Ganne ki kheti vaale kai ilaakon mein sookha pada hai. Isse agale season mein vahaan iski paidaavaar kam rah sakti hai. Maujooda keemat par kai badi shugar companiyon ke share book vailyoo ke 0.3-0.8 guna par mil rahe hain.