Cheen Ne Bhaarat Se Kaha, Koi Ghuspaith Naheen

Breaking »

Cheen Ne Bhaarat Se Kaha, Koi Ghuspaith Naheen

Ranjit Kumar nai Delhi. . Depasaang ghaati se cheeni sainikon ko peechhe hataane ki Bhaarat ki maang ko cheen ne ek baar fir khaarij karte hue saaf kah diya hai ki usane vaastavik niyantran rekha ka ullanghan kar bhaarateeya ilaake mein jara bhi ghuspaith naheen ki hai. Cheen ke videsh mantraalaya ki pravakta huaa chunaying ne Budhvaar ko kaha ki unke sainik cheeni seema mein hi hain aur unhonne ek kadam bhi niyantran rekha ke paar naheen rakha hai. Unhonne masale ko sulajhaane ke liye donon deshon ke beech sampark ki baat kehte hue Bhaarat ko yah salaah bhi day daali ki line of ekchual control par ab tak jo samjhaute hue hain, vah unka sammaan kare. Bhaarat ki or se kai staron par masale ko sulajhaane ki koshishein Budhvaar ko jaari raheen. Raksha mantri A. Ke . Antony ne iske sanket bhi diye. Sootron ke mutaabik raashtreeya suraksha salaahakaar Shiv shankar Menon ne cheen ke state kaaunsalar yaang chye chhi se baat ki. Gaurtalab hai ki poorvi Laddakh ke daulat beg oldi sector sthit depasaang ghaati mein 15 April ko chauki sthaapit karne ke baad se cheen ne kada rukh jaari rakhate hue apne sainikon ko peechhe naheen hataaya hai. Daure par sankat? May ke teesare hafte mein cheen ke pradhaanamantri ke prastaavit Bhaarat daure ke maddenajar Bhaarat ki koshish hai ki ghuspaith ke masale ko itna tool naheen diya jaae ki daure par aanch aae. Cheen ke nae pradhaanamantri li khachhyaang apne pehle videsh daure par aaenge jise Bhaarat mein kaafi ahamiyt di ja rahi hai. Videsh mantri Salman khursheed ne TV channelon se Budhvaar ko jo kaha, usase aabhaas mil raha hai ki Bhaarat ise bada mudda naheen banaaega. Ek aur flaig meeting sootron ke mutaabik bhaarateeya sena ki or se Laddakh mein cheeni sainya adhikaariyon ke saath ek aur flaig meeting ka prastaav Bhaarat ne rakha hai. Cheen ne iski pushti naheen ki hai lekin shukravaar ko yah baithak ho sakti hai. Mangalvaar ko hui doosare daur ki flaig meeting ke dauraan cheen ne apne sainikon ko peechhe hataane ke liye Bhaarat ke saamane kai shartein rakhi hain jo Bhaarat ko katai maanya naheen hongi. Lekin cheeni sainikon ko peechhe dhakelane ke liye Bhaarat koi sainya kaarravaai ke baare mein bhi vichaar naheen kar raha. Kya chaahata hai cheen? Raajanayik sootron ke mutaabik cheen apne sainikon ko peechhe hataane ke liye poorvi Laddakh ke ilaake mein pichhle kuchh varshon mein Bhaarat ki or se banaai gayi kuchh nai dhaanchaagat suvidhaaon aur agrim chaukiyon ko hataane ki maang kar raha hai. Gaurtalab hai ki poorvi Laddakh ke nyoma aur fukache mein ek havaai patti banaane ke baad bhaarateeya vaayusena ne daulat beg oldi mein bhi ek havaai patti banaai hai, jahaan se AN-32 jaise parivhan vimaan utaare ja sakte hain. Iske alaava bhaarateeya sena ne is ilaake mein kai agrim sainya chaukiyaan bhi banaai hain jo bhaarateeya ilaake mein hai lekin cheen ko yah pasand naheen aa raha. 1986 mein bhi hui thi aisi harkat Bhaarat aur cheen ke beech 4 hajaar kilometer lambi vaastavik niyantran rekha par ghuspaith ki vaaradaat hoti hain lekin cheeni sainik toke jaane ke baad peechhe chale jaate hain. 1986 ke baad aisa pehli baar huaa hai ki cheeni sainikon ne ghuspaith karne ke baad apni chauki sthaapit kar li hai. 1986 mein arunaachal pradesh ke ilaake mein samadurong chhoo ghaati mein cheeni sainikon ne apni chauki sthaapit kar li thi jo bhaarateeya sena ki or se javaabi chunauti diye jaane ke baad hata li gayi thi.

Cheen Ne Bhaarat Se Kaha, Koi Ghuspaith Naheen https://www.angrejinews.com/pic/6649